Garvita Odiaନୂଆଦିଲ୍ଲୀ,29/08: ବିଶ୍ୱ ବ୍ୟାଡମିଂଟନ ଚାମ୍ପିୟନଶିପରେ ଷଷ୍ଠ ପଦକ ହାସଲ ଲକ୍ଷ୍ୟରେ ଥିବା ଭାରତର ଷ୍ଟାର ଖେଳାଳି ପିଭି ସାନ୍ଧୁ ନିରାଶ ହୋଇଛନ୍ତି । ମହିଳା ସିଙ୍ଗଲ୍ସ କ୍ୱାର୍ଟର ଫାଇନାଲରେ ସାନ୍ଧୁ ଇଣ୍ଡୋନେସିଆର ପୂତ୍ରୀ କୁସୁମା ୱାର୍ଦ୍ଦାନୀଙ୍କ ନିକଟରୁ ୨୧-୧୪, ୧୩-୨୧ ଓ ୨୧-୧୬ରେ ହାରି ଯାଇଥିଲେ । ପ୍ରଥମ ଗେମ ହାରିବା ପରେ ସାନ୍ଧୁ ଦ୍ୱିତୀୟ ଗେମ ଜିତି ମ୍ୟାଚରେ ରୋମାଂଚ ଭରିଥିଲେ । ତେବେ ନିର୍ଣ୍ଣାୟକ ଗେମରେ ପୂତ୍ରୀ ବାଜି ମାରିଥିଲେ । ମିକ୍ସଡ ଡବଲ୍ସରେ ଭାରତୀୟ ଯୋଡି ଧ୍ରୁବ କପିଳ ଓ ଟାନୀଶ କ୍ରାଷ୍ଟୋ ଚୀନ ଯୋଡି ଚେନ ଟାଙ୍ଗ ଜିଏ ଓ ଟୋ ଇ ୱେଇଙ୍କ ନିକଟରୁ ୧୫-୨୧, ୧୩-୨୧ ଗେମ୍ସରେ ପରାଜିତ ହୋଇଥିଲେ । ଚଳିତ ସଂସ୍କରଣରେ ସାନ୍ଧୁ ପ୍ରଭାବୀ ପ୍ରଦର୍ଶନ କରିଥିଲେ ମଧ୍ୟ ପୂତ୍ରୀଙ୍କ ବିପକ୍ଷରେ ପ୍ରଥମ ଗେମରେ ଆକ୍ରମଣାତ୍ମକ ନ ହେବା ତାଙ୍କ ପାଇଁ ମହଙ୍ଗା ସାବ୍ୟସ୍ତ ହୋଇଥିଲା । ସିନ୍ଧୁ ପ୍ରି-କ୍ୱାର୍ଟରରେ ୱାଙ୍ଗ ଝି ୟିଙ୍କୁ ହରାଇ ପ୍ରଭାବିତ କରିଥିଲେ । ଏବେ ପୁରୁଷ ଡବଲ୍ସରେ ଭାରତୀୟ ଯୋଡି ସାତ୍ୱିକସାଇରାଜ ରାଙ୍କିରେଡ୍ଡୀ ଓ ଚିରାଶ ଶେଟ୍ଟୀଙ୍କ ନିକଟରେ ପଦକ ଜିତିବା ସୁଯୋଗ ରହିଛି । ସେମାନେ କ୍ୱାର୍ଟର ଫାଇନାଲରେ ପ୍ରବେଶ କରି ପଦକଠାରୁ ଗୋଟିଏ ପାଦ ଦୂରରେ ରହିଛନ୍ତି ।
ଏସିଆ କପ୍ ହକି ବିଜୟରୁ ଭାରତର ଅଭିଯାନ ଆରମ୍ଭ
Garvita Odia- August 29, 2025
ନୂଆଦିଲ୍ଲୀ,29/08:ଆଜିଠୁ ବିହାରର ରାଜଗିରରେ ଏସିଆ କପ୍ 2025(Asia Cup 2025) ହକି ଆରମ୍ଭ ହୋଇଛି । ଏଥିସହ ବିଜୟରୁ ଭାରତର ଅଭିଯାନ ଆରମ୍ଭ ହୋଇଛି । ଅଧିନାୟକ ହରମନପ୍ରୀତ ସିଂ(Harmanpreet Singh)ଙ୍କ ଦମଦାର ହ୍ୟାଟ୍ରିକ୍ ଗୋଲ୍ (20’, 33’, 47’) ବଳରେ…