Garvita Odia
ଭୁବନେଶ୍ୱର: ଆଜି ରାଷ୍ଟ୍ରୀୟ ଶିକ୍ଷା ଅନୁସନ୍ଧାନ ଓ ପ୍ରଶିକ୍ଷଣ ପରିଷଦ (ଏନ୍ସିଇଆର୍ଟି) ପକ୍ଷରୁ ବିଏଡ୍ ନାମଲେଖା ପାଇଁ ଏକକ ପ୍ରବେଶିକା ପରୀକ୍ଷା (ସିଇଇ) ଅନୁଷ୍ଠିତ ହେବ । ବିଏବିଏଡ୍, ବିଏସ୍ସି ବିଏଡ୍, ଏମ୍ଏସ୍ସିଏଡ୍, ଏମ୍ଏଡ୍, ବିଏଡ୍-ଏମ୍ଏଡ୍, ଏମ୍ ଇନ୍ ଏଜୁକେସନ ଟେକ୍ନୋଲୋଜି ରେ ନାମେଲଖା ପାଇଁ ପ୍ରବେଶିକା ପରୀକ୍ଷା ହେବ । କମ୍ପ୍ୟୁଟର ବେସ୍ଡ୍ ଟେଷ୍ଟ (ସିବିଟି) ମୋଡ୍ରେ ପରୀକ୍ଷା ହେବ ।
ଦେଶର ୮୦ଟି ପରୀକ୍ଷା କେନ୍ଦ୍ରରେ ପରୀକ୍ଷା ହେବ । ଏଥିରୁ ଓଡ଼ିଶାରେ ୪୪ଟି ପରୀକ୍ଷା କେନ୍ଦ୍ର କରାଯାଇଛି । ମୋଟ୍ ୨୨ ହଜାର ପରୀକ୍ଷାର୍ଥୀ ପରୀକ୍ଷା ପାଇଁ ପଞ୍ଜୀକରଣ କରିଛନ୍ତି । ପରୀକ୍ଷାରେ ଉତ୍ତୀର୍ଣ୍ଣ ପରୀକ୍ଷାର୍ଥୀ ଆଞ୍ଚଳିକ ଶିକ୍ଷା ପ୍ରତିଷ୍ଠାନରେ ନାମଲେଖାଇବେ । ଭୁବନେଶ୍ୱର, ଭୋପାଳ, ମୟୀଶୂର, ଆଜମେର, ସିଲିଂ, ନେଲ୍ଲୋର ଆଦି ଆଞ୍ଚଳିକ ଶିକ୍ଷା ପ୍ରତିଷ୍ଠାନରେ ନାମଲେଖା ହେବ । ଭୁବନେଶ୍ୱର ଆଞ୍ଚଳିକ ଶିକ୍ଷା ପ୍ରତିଷ୍ଠାନକୁ ନୋଡାଲ କେନ୍ଦ୍ର ଭାବେ ଚୟନ କରାଯାଇଛି ।
