Garvita Odia
ଭୁବନେଶ୍ବର: ଭୁବନେଶ୍ବର ଏମ୍ସ ହସ୍ପିଟାଲରେ ମହିଳା ଆଟେଣ୍ଡାଣ୍ଟଙ୍କୁ ଅସଦାଚରଣ ଅଭିଯୋଗରେ ନର୍ସିଂ ଅଫିସର୍ ନାନୁ ରାମ ଚୌଧୁରୀଙ୍କୁ ଗିରଫ କରିଛି ଖଣ୍ଡଗିରି ଥାନା ପୋଲିସ । ଏନେଇ କମିଶନରେଟ ପୋଲିସ ପକ୍ଷରୁ ସୂଚନା ଦିଆଯାଇଛି । ସୋମବାର ହସ୍ପିଟାଲର ନର୍ସିଂ ଅଫିସର୍ ଅସଦାଚରଣ କରିଥିବା ନେଇ ଅଭିଯୋଗ ଆଣିଥିଲେ ପୀଡିତା ।
ପୀଡିତାଙ୍କ ଅଭିଯୋଗ ଅନୁସାରେ, ସେ ଭୁବନେଶ୍ୱର ଏମ୍ସର ଜଣେ ନର୍ସିଂ ଷ୍ଟାଫ୍ । ଗତ ୨୭ ତାରିଖରେ ସେ କାର୍ୟ୍ୟରେ ଥିବା ସମୟରେ ତାଙ୍କୁ ଜଣେ ନର୍ସିଂ ଅଫିସର ଡାକ୍ତରଙ୍କ ରୁମକୁ ଡକାଇ ଅଶାଳୀନ ବ୍ୟବହାର କରିବା ସହ ତାଙ୍କୁ ଅଶ୍ଳିଳ ଇଙ୍ଗିତ କରିଥିଲେ । ପରେ ନର୍ସିଂ ଷ୍ଟାଫ୍ ସେଠାରୁ ପଳାଇ ଆସି ସୁପରଭାଇଜରଙ୍କୁ ଜଣାଇଥିଲେ । ଏହାପରେ କଣ୍ଟ୍ରୋଲ ରୁମରେ ନର୍ସିଂ ଅଫିସର ମହିଳା ଆଟେଣ୍ଡାଣ୍ଟଙ୍କୁ ଭୁଲ ମାଗିବା ସହ ତାଙ୍କର ମୋବାଇଲରେ ଥିବା ପ୍ରମାଣକୁ ଡିଲିଟ ପାଇଁ ଚାପ ପକାଯାଇଥିଲା ।
ପୀଡିତା ଏ ସମ୍ପର୍କରେଏମ୍ସ କର୍ତ୍ତୃପକ୍ଷଙ୍କୁ ଜଣାଇଥିଲେ । ମାତ୍ରା କୌଣସି କାର୍ୟ୍ୟାନୁଷ୍ଠାନ ନିଆ ନ ଯିବାରୁ ଶେଷରେ ନର୍ସିଂ ଷ୍ଟାଫ୍ ଜଣଙ୍କ ଏମ୍ସ ଗେଟ୍ ସାମ୍ନାକୁ ଆସି ଧାରଣାରେ ବସିଥିଲେ । ପୀଡିତାଙ୍କ ସହ ଏପରି ଘଟଣାକ୍ରମ ନେଇ ଅନ୍ୟ ସହଯୋଗୀମାନେ ମଧ୍ୟ ଆସି ତାଙ୍କୁ ସମର୍ଥନ ଦେଇ ସମ୍ପୃକ୍ତ ଅଭିଯୁକ୍ତ ବିରୋଧରେ କାର୍ୟ୍ୟାନୁଷ୍ଠାନ ପାଇଁ ଧାରଣାରେ ବସିଥିଲେ ।
