Garvita Odia
ନୂଆଦିଲ୍ଲୀ : ଦିଲ୍ଲୀରେ ପୁରୁଣା ଗାଡ଼ି ଉପରେ ଲାଗିଥିବା ପ୍ରତିବନ୍ଧକକୁ ନେଇ ସୁପ୍ରିମକୋର୍ଟରେ ଦାଏର ଜନହିତକର ଆବେଦନ ଉପରେ ମୁଖ୍ୟମନ୍ତ୍ରୀ ରେଖା ଗୁପ୍ତା , ପୁଣି ଥରେ ନିଜର ମତ ସ୍ପଷ୍ଟ କରିଛନ୍ତି। ଯଦି ସୁପ୍ରିମକୋର୍ଟ ଦିଲ୍ଲୀ ସରକାରଙ୍କ ଏହି ଦଲିଲକୁ ସ୍ୱୀକାର କରନ୍ତି ତ ଏଥିରେ ଲକ୍ଷ ଲକ୍ଷ ଲୋକଙ୍କୁ ଆଶ୍ୱସ୍ତି ମିଳି ଯିବ, ଯେଉଁମାନଙ୍କ ଗାଡ଼ିର ସମୟସୀମା ପୂରା ହୋଇ ସାରିଛି, କିନ୍ତୁ ବହୁତ କମ୍ ବ୍ୟବହାର ଯୋଗୁଁ ଏବେ ବି ଫିଟ୍ ରହିଛି ଏବଂ ପ୍ରଦୂଷଣ ବିସ୍ତାର କରୁ ନାହାନ୍ତି।
ସିଏମ ରେଖା ଗୁପ୍ତା ଗୁରୁତ୍ୱାରୋପ କରି କହିଛନ୍ତି , ଯଦି କୌଣସି ପ୍ରଦୂଷଣ ବିସ୍ତାର କରୁଛି, ତ ତାକୁ ୫ ବର୍ଷ ଭିତରେ ହିଁ ବନ୍ଦ କରି ଦେବା ଉଚିତ୍ ,କିନ୍ତୁ ଯେଉଁ ଗାଡ଼ି ପ୍ରଦୂଷଣ କରୁ ନାହାନ୍ତି , ସେଗୁଡ଼ିକ ଉପରେ କୌଣସି ପ୍ରତିବନ୍ଧନ ହେବା ଉଚିତ୍ ନୁହେଁ। ସେ ଏହା ମଧ୍ୟ ସ୍ପଷ୍ଟ କରିଛନ୍ତି ଯେ, ସରକାର କୋର୍ଟରେ ନିଜ ପକ୍ଷ ରଖିଛନ୍ତି ଏବଂ ଆଶା ରଖିଛନ୍ତି ଯେ କୋର୍ଟ ଦିଲ୍ଲୀର ଜନତାଙ୍କ ଅଧିକାରୀ ପ୍ରତି ସମ୍ମାନ କରିବେ।
ଏହି ପ୍ରସଙ୍ଗକୁ ନେଇ କିଛି ଦିନ ହେବ ଖୁବ୍ ବିତର୍କ ଚାଲିଛି। ଦିଲ୍ଲୀ ସରକାର ସୁପ୍ରିମକୋର୍ଟରେ ଆବେଦନ ଦାଏର କରି ପୁରୁଣା ଗାଡ଼ି ଗୁଡ଼ିକ ଉପରେ ଲାଗିଥିବା ବ୍ୟାନ୍କୁ ଚ୍ୟାଲେଞ୍ଜ ଦେଇଛନ୍ତି, ଯେଉଁଥିରେ ୧୦ ବର୍ଷର ପୁରୁଣା ଡିଜେଲ ଓ ୧୫ବର୍ଷର ପୁରୁଣା ପେଟ୍ରୋଲ ଗାଡ଼ି ଗୁଡ଼ିକ ଉପରେ ପ୍ରତିବନ୍ଧକ ଅନ୍ତର୍ଭୁକ୍ତ। ଏହା ପୂର୍ବରୁ, ରେଖା ଗୁପ୍ତା ଏହା ମଧ୍ୟ କହିଥିଲେ ଯେ, ଗତ ସରକାର ପରିବେଶ ଉପରେ କୌଣସି କାର୍ୟ୍ୟ କରି ନାହାନ୍ତି ଏବଂ ଜନତାଙ୍କୁ ପ୍ରଦୂଷଣର ଶିକାର ହେବାକୁ ପଡ଼ିଛି। ସେ ଗୁରୁତ୍ୱ ଦେଇଛନ୍ତି ଯେ, ତାଙ୍କ ସରକାର ପରିବେଶ ପ୍ରତି ସଂପୂର୍ଣ୍ଣ ରୂପେ ସତର୍କ ଅଛନ୍ତି ଏବଂ ନିରନ୍ତର ପ୍ରୟାସ କରୁଛନ୍ତି।
