ଜୁଲାଇ 17ରେ ଓଡିଶା ବନ୍ଦ

ଭୁବନେଶ୍ବର: ୧୭ରେ ଓଡିଶା ବନ୍ଦ ଡାକରା ଦେଲା କଂଗ୍ରେସ । ବାମଦଳ ସମେତ 7ଟି ରାଜନୈତିକ ଦଳର ଓଡିଶା ବନ୍ଦ ଡାକରା। ବାଲେଶ୍ୱର ଫକୀର ମୋହନ ମହାବିଦ୍ୟାଳୟ ଛାତ୍ରୀ ମୃତ୍ୟୁ ଘଟଣାକୁ ବିରୋଧ କରି ବନ୍ଦ ଡାକରା ଦେଲା କଂଗ୍ରେସ । ସ୍କୁଲ, କଲେଜ, ଦୋକାନ ବଜାର ବନ୍ଦ କରିବ କଂଗ୍ରେସ । ଗାଡି ମୋଟର ଚଳାଚଳ ବି ବନ୍ଦ ରହିବ । କଂଗ୍ରେସ ବନ୍ଦକୁ ସମର୍ଥନ ଦେବେ 8 ଟି ରାଜନୈତିକ ଦଳ। ମିଳିତ ବିରୋଧୀ ଦଳ ପକ୍ଷରୁ ସାମ୍ବାଦିକ ସମ୍ମିଳନୀରେ ଏନେଇ ସୂଚନା ଦିଆଯାଇଛି । ଓଡିଶା ବନ୍ଦ ଡାକରାରେ କଂଗ୍ରେସ, CPIM, CPI, ସମାଜବାଦୀ ପାର୍ଟି, ଅଲ ଇଣ୍ଡିଆ farward ବ୍ଲକ, ରାଷ୍ଟ୍ରୀୟ ଜନତା ଦଳ, ରାଷ୍ଟ୍ରବାଦୀ କମୁନିଷ୍ଟ ପାର୍ଟି ସାମିଲ ହେବେ ।ବାଲେଶ୍ୱର ଫକୀର ମୋହନ କଲେଜରେ ଛାତ୍ରୀଙ୍କ ମୃତ୍ୟୁ ପରେ ମିଳିତ ରାଜନୈତିକ ଦଳର ବୈଠକ ଆୟୋଜନ ହୋଇଛି । ଆଜି ସବୁ ସହରରେ ମହମବତୀ ଶୋଭାଯାତ୍ରା କରି ଅମର ଆତ୍ମାର ସଦଗତି କାମନା କରିବେ। ବୈଠକରେ ବାମପନ୍ଥୀ ଦଳ ନେତା ଓ ଏନସିପି ସାମିଲ ହୋଇଛନ୍ତି। 8ଟି ଦଳ ଏକାଠି ହୋଇଛନ୍ତି।

ପିସିସି ସଭାପତି ଭକ୍ତ ଚରଣ ଦାସ କହିଛନ୍ତି ‘‘ଶେଷରେ ନିଜ ଦଳ ଏବିଭିପି ଝିଅ ବି ବାଦ୍‌ ପଡିଲାନି । ସେ ଝିଅ ପେଟ୍ରୋଲ ଆଣିଲା କେମିତି ସମସ୍ତେ ଦେଖୁଥିଲେ କିନ୍ତୁ କେହି ପ୍ରତିବାଦ କଲେନି । ବିଜେପି ଶାସନକୁ ଆସିବା ପରେ କାହାରି କଥା ଶୁଣିଲେନି। ନୈତିକତା ଦୃଷ୍ଟିରୁ ଶାସନରୁ ଓହରିଯିବା ଦରକାର। ଯାହାକୁ ଘୋର ବିରୋଧ କରିବୁ। ତାଙ୍କ ଦଳ ଏବିଭିପିର ଝିଅକୁ ହତ୍ୟା କରିଛନ୍ତି। ଯାହାର ପ୍ରତିବାଦରେ ଆସନ୍ତା 17 ତାରିଖରେ ଓଡ଼ିଶା ବନ୍ଦ ଡାକରା ଦେଇଛୁ ’’।

ବନ୍ଦକୁ ସଫଳ କରିବାକୁ ଓଡିଶାବାସୀଙ୍କୁ ଅନୁରୋଧ କରିଛନ୍ତି ପିସିସି ସଭାପତି। ବିଚାର ବିଭାଗୀୟ ନ୍ୟାୟିକ ତଦନ୍ତ କରିବାକୁ ସେ ଦାବି କରିଛନ୍ତି । ସେହିପରି ସାଂସଦ ପ୍ରତାପ ଷଡ଼ଙ୍ଗୀ ଏବଂ ଉଚ୍ଚ ଶିକ୍ଷା ମନ୍ତ୍ରୀଙ୍କ ଇସ୍ତଫା ଦାବି କରିଛନ୍ତି ପିସିସି ସଭାପତି। ଏହାସହ ଆଜି କଲେଜ ବନ୍ଦ କରିବା ସହ ସନ୍ଧ୍ୟା ସମୟରେ କ୍ୟାଣ୍ଡେଲ ଶୋଭାଯାତ୍ରା କରିବାକୁ ଅନୁରୋଧ କରିଛି କଂଗ୍ରେସ ।