ପୁଣି ଫେରିଲା କରୋନା

ନୂଆଦିଲ୍ଲୀ : ଏତେ ବର୍ଷ ପରେ ବି କମିନି କୋଭିଡ ପ୍ରକୋପ । ବର୍ଷକୁ ବର୍ଷ ନୂଆ ନୂଆ ଲହର ଦେଖାଉଛି ଭୂତାଣୁ । ଏବେ ପୁଣିଥରେ ନୂ ରୂପ ନେଇ କୋଭିଡ ଭାଇରସ ବ୍ୟାପୁଥିବା ଆସିଛି ସୂଚନା । ବ୍ଲୁମବର୍ଗ ରିପୋର୍ଟରେ ଏନେଇ ଖୁଲାସା କରିଛନ୍ତି । ରିପୋର୍ଟରେ କୁହାଯାଇଛି କି, ହଂକଂ ଓ ସିଙ୍ଗାପୁରର ସ୍ୱାସ୍ଥ୍ୟ ଅଧିକାରୀମାନେ ଏସିଆର କିଛି ଅଂଶରେ ଏକ ନୂଆ ଭାରିଆଣ୍ଟ ବ୍ୟାପିବା ସହିତ କୋଭିଡ-୧୯ ମାମଲା ବୃଦ୍ଧି ପାଇବା ବିଷୟରେ ସତର୍କ କରାଇଛନ୍ତି।
ହଂକଂର ସ୍ୱାସ୍ଥ୍ୟ ସୁରକ୍ଷା କେନ୍ଦ୍ରର ସଂକ୍ରମିତ ରୋଗ ଶାଖାର ମୁଖ୍ୟ ଆଲବର୍ଟ ସ୍ଥାନୀୟ ଗଣମାଧ୍ୟମକୁ କହିଛନ୍ତି ଯେ ସହରରେ କୋଭିଡ-୧୯ ସଂକ୍ରମଣ ଅଧିକ ରହିଛି । ଗତ ବର୍ଷଠାରୁ କୋଭିଡ୍-୧୯ ପାଇଁ ପଜିଟିଭ୍ ହୋଇଥିବା ଶ୍ୱାସକ୍ରିୟା ନମୁନା ସଂଖ୍ୟା ସର୍ବାଧିକ ଥିଲା । ଗୁରୁତର ମାମଲା ଓ ମୃତ୍ୟୁ ସଂଖ୍ୟା ଶୀର୍ଷ ସ୍ତରରେ ପହଞ୍ଚିଛି । ମେ ୩ ପର୍ୟ୍ୟନ୍ତ ସପ୍ତାହରେ ୩୧ ଟି ଗୁରୁତର ମାମଲା ଚିହ୍ନଟ ହୋଇଛି।

ଯଦିଓ ଏହି ବର୍ତ୍ତମାନର ବୃଦ୍ଧି ଗତ ଦୁଇ ବର୍ଷ ମଧ୍ୟରେ ହୋଇଥିବା ସବୁଠାରୁ ବଡ଼ ପ୍ରକୋପ ପରି ବଡ଼ ନୁହେଁ । ଅନ୍ୟାନ୍ୟ ସୂଚକଗୁଡ଼ିକ ଦର୍ଶାଉଛି ଯେ ଭାଇରସ ବ୍ୟାପିବାରେ ଲାଗିଛି ।