Garvita Odia
ଭୁବନେଶ୍ବର : ନୂଆରୂପରେ ଆସିବ ଭୁବନେଶ୍ବର । ସହର ଭିତରେ ପ୍ରତିଷ୍ଠା ହେବ ଭୁବନେଶ୍ବର ନ୍ୟୁ ସିଟି । ତା ଭିତରେ ରହିବ IT, ଟେକ୍ସ ଟାଇଲ ଭଳି ପାର୍କ । ସ୍ବାୟତ୍ତ ଶାସନ ଦିବସ ଅବସରରେ ଏପରି ବଡ ଘୋଷଣା କରି ରାଜଧାନୀବାସୀଙ୍କୁ ବଡ ଭେଟି ଦେଇଛନ୍ତି ମୁଖ୍ୟମନ୍ତ୍ରୀ ମୋହନ ମାଝୀ । ସେ ଆହୁରି କହିଛନ୍ତି କେମିତି ଭୁବନେଶ୍ବରକୁ ଭଲ କରିବା ସେ ସଂପର୍କରେ ଚିନ୍ତା କରିବା । ବର୍ଷା ହେଲେ ସଡ଼କ ଧୋଇଯାଉଛି, ଡ୍ରେନ ଭାଙ୍ଗିଲେ ପାଣି ଜମା ହୋଇ ରହୁଛି ଏବେବି କିଛି ଜାଗାରେ ଏଭଳି ସମସ୍ୟା ସହ ଜୁଝି ହେଉଛନ୍ତି ଲୋକେ । ଏସବୁ ସମସ୍ୟାର ସମାଧାନ ପାଇଁ ଲୋକେ ବିଧାୟକ, ସାଂସଦଙ୍କ ପାଖକୁ ଯାଉଛନ୍ତି । ଆମ ଲୋକ କାହିଁକି ସ୍ବାୟତ୍ତ ଶାସନ ବ୍ୟବସ୍ଥା ଉପରେ ଭରସା କରୁନାହାନ୍ତି । ମେୟର, କର୍ପୋରେଟରମାନେ ଏସବୁ ଛୋଟ ଛୋଟ ସମସ୍ୟାର ସମାଧାନ କରିବା ଦରକାର । ଅନେକ ଜାଗାରେ ସମସ୍ୟାର ସମାଧାନ ହେଉଛି କିନ୍ତୁ କିଛି ଜାଗାରେ ଏଥିରେ ବ୍ୟତିକ୍ରମ ଦେଖାଯାଉଛି ।
ମୁଖ୍ୟମନ୍ତ୍ରୀଙ୍କ ଅଭିଯୋଗ ଶୁଣାଣିରେ ଏଭଳି ଅନେକ ସମସ୍ୟା ଆସୁଛି ।ଏସବୁ ଯଦି ମୁଖ୍ୟମନ୍ତ୍ରୀ ସମାଧାନ କରିବେ ତେବେ ମେୟର ଓ କର୍ପୋରେଟର କାହିଁକି ଅଛନ୍ତି । ମାଲକାନଗିରିରେ ଡ୍ରେନ ଭାଙ୍ଗିଛି, ବିଜୁଳି କଟିଯାଇଛି ଲୋକେ ଆସୁଛନ୍ତି ଭୁବନେଶ୍ବର ଅଭିଯୋଗ କରିବାକୁ । ସେଠି କଣ ଜିଲ୍ଲାପାଳ ନାହାନ୍ତି ଲୋକଙ୍କ ସମସ୍ୟା ବୁଝିବାକୁ । ଏସବୁ ସମାଧାନ ଲୋକାଲ ସ୍ତରରେ ହେବା ଦରକାର ବୋଲି ସ୍ପିଚରେ କହିଥିଲେ ମୁଖ୍ୟମନ୍ତ୍ରୀ ।
