Garvita Odia
ମୁମ୍ବାଇ: ମାଲେଗାଓଁ ବିସ୍ଫୋରଣ ମାମଲାରେ ୧୭ ବର୍ଷ ପରେ ଆସିଲା ରାୟ । ମାମଲାର ସମସ୍ତ ଅଭିଯୁକ୍ତ ଦୋଷମୁକ୍ତ । ସମସ୍ତ ଅଭିଯୁକ୍ତଙ୍କୁ ନିର୍ଦ୍ଦୋଷ କହିଲେ କୋର୍ଟ । ମାଲେଗାଓଁ ମାମଲାରେ ରାୟ ଶୁଣାଇଲେ ସ୍ବତନ୍ତ୍ର ଏନଆଇଏ କୋର୍ଟ ।
ତେବେ ଏହି ରାୟ ସହ ମାଲେଗାଓଁ ବିସ୍ଫୋରଣ ମାମଲାରେ ସ୍ବାଧୀ ପ୍ରଜ୍ଞା ଠାକୁର, କର୍ଣ୍ଣେଲ ପୁରୋହିତଙ୍କ ସମେତ ୭ ଅଭିଯୁକ୍ତ ଦୋଷମୁକ୍ତ । କୋର୍ଟ କହିଲେ- କର୍ଣ୍ଣେଲ ବୋମା ଆଣିଥିବା ନେଇ ପ୍ରମାଣ ନାହିଁ । ସେ ବାଇକରେ ବୋମା ଲଗାଇଥିବାର କୌଣସି ପ୍ରମାଣ ନାହିଁ । କୌଣସି ବି ପ୍ରମାଣ ବିଶ୍ବସନୀୟ ନୁହେଁ । ଘଟଣାସ୍ଥଳରେ ବ୍ୟାରିକେଡ୍ କରାଯାଇନଥିଲା ତେଣୁ କୌଣସି ନିଷ୍କର୍ସ ବାହାରି ପାରିଲାନି । ବାଇକର ଚେଚିସ୍ ନମ୍ବର ଉଡାଇ ଦିଆଯାଇଥିଲା ଯାହାକୁ ରିଷ୍ଟୋର କରାଯାଇପାରିଲା ନାହିଁ । ତେଣୁ ଏହା କୁହାଯାଇ ନପାରେ କି ତାହା ସ୍ବାଧୀ ପ୍ରଜ୍ଞାଙ୍କ ବାଇକ ବୋଲି । କୋର୍ଟଙ୍କ ଠାରୁ କ୍ଲିନ୍ ଚିଟ୍ ମିଳିବା ପରେ ଆଶ୍ବସ୍ତ ହୋଇଛନ୍ତି ସମସ୍ତ ଅଭିଯୁକ୍ତ। ତେବେ ୨୯ ସେପ୍ଟେମ୍ବର ୨୦୦୮ରେ ହୋଇଥିଲା ମାଲେଗାଓଁ ବିସ୍ଫୋରଣ । ମହାରାଷ୍ଟ୍ର ମାଲେଗାଓଁର ଭିକୁ ଚୌକରେ ହୋଇଥିଲା ବିସ୍ଫୋରଣ । ବାଇକରେ ବୋମା ରଖି କରାଯାଇଥିଲା ବିସ୍ଫୋରଣ । ଯେଉଁଥିରେ ୬ ଜଣଙ୍କ ମୃତ୍ୟୁ ହୋଇଥିବା ବେଳେ ୧୦୧ ଜଣ ଆହତ ହୋଇଥିଲେ ।
