Garvita Odia
ନୟାଗଡ : ନୟାଗଡ ଜିଲା ଫତେଗଡ ଥାନା ଧାନଚାଙ୍ଗଡା ଗାଁରେ ଏକ ଚାଞ୍ଚଲ୍ୟକର ଘଟଣା ସୋମବାର ହଇଚଇ ସୃଷ୍ଟି କରିଛି। ଘର ଭିତରୁ ମିଳିଛି ୨ ନାବାଳକଙ୍କ ଝୁଲନ୍ତା ମୃତଦେହ। ସହେନ୍ଦଜନକ ଅବସ୍ଥାରେ ପୁଲିସ ୨ ଜଣଙ୍କ ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇ ତଦନ୍ତ ଆରମ୍ଭ କରିଛି। ଉଭୟଙ୍କ ବୟସ ୧୪ ଓ ୧୨ ବର୍ଷ ହେବ।
ସୂଚନାନୁଯାୟୀ ବାପାଙ୍କ ୨ୟ ବିବାହ ପ୍ରସ୍ତାବ ଆସିବା ପରେ ଉଭୟ ନାବାଳକ ଆତ୍ମହତ୍ୟା କରିଛନ୍ତି ବୋଲି ସେମାନଙ୍କ ପରିବାର ଲୋକେ, ଜେଜେବାପା ଓ ତାଙ୍କ ବାପା ଅଚ୍ୟୁତ କହିଛନ୍ତି। ମାତ୍ର ସେପଟେ ବାପା ନିଜ ପୁଅଙ୍କୁ ହତ୍ୟା କରି ଟାଙ୍ଗି ଦେଇଛି ବୋଲି ସ୍ଥାନୀୟ ଲୋକେ ଅଭିଯୋଗ କରିଛନ୍ତି। ଅଭିଯୋଗ ପରେ ଖବର ପାଇ ଫତେଗଡ ପୁଲିସ ପହଞ୍ଚି ନାବାଳକଙ୍କ ବାପାକୁ ଅଟକ ରଖି ଘଟଣାର ତଦନ୍ତ କରୁଛି। ନାବାଳକଙ୍କ ମାଆଙ୍କ ୩ ବର୍ଷ ପୂର୍ବରୁ ମୃତ୍ୟୁ ହୋଇଛି ବୋଲି ପ୍ରାଥମିକ ତଦନ୍ତରୁ ଜଣାପଡିଛି।
