Garvita Odia
ଭୁବନେଶ୍ବର: ପୁଣି ବିବାଦରେ ୟୁଟ୍ୟୁବର ତଥା ଅଭିନେତା ତପି ମିଶ୍ର । ମହଙ୍ଗା ପଡ଼ିଲା ସୋସିଆଲ ମିଡିଆରେ ଧମକ । ଉତ୍ତେଜିତ ତଥା ଅପଶବ୍ଦ ପୋଷ୍ଟ କରି ଧମକ ଦେବା ଘଟଣାରେ ଏବେ ତପି ମିଶ୍ର ଓରଫ ସରୋଜ କୁମାର ମିଶ୍ରଙ୍କୁ ଗିରଫ କରିଛି ଭୁବନେଶ୍ବର ଇନଫୋସିଟି ଥାନା ପୋଲିସ । ତାଙ୍କ ନାମରେ ଲାଗିଛି ବିଏନଏସର ବିଭିନ୍ନ ଧାରା । ଗିରଫ ପରେ କୋର୍ଟ ଚାଲାଣ କରିଛି କମିଶନରେଟ ପୋଲିସ ।
କମିଶନରେଟ ପୋଲିସ ପକ୍ଷରୁ ଦିଆଯାଇଥିବା ସୁଚନା ଅନୁସାରେ, ଜଣେ ସାମ୍ବାଦିକ ସୋସିଆଲ ମିଡିଆରେ ଏକ ପୋଷ୍ଟ କରିଥିଲେ । ଯେଉଁଥିରେ ତପି ମିଶ୍ର କମେଣ୍ଟ ଦେଇଥଲେ । ଏଥିରେ ଜଣେ ମହିଳା ମଧ୍ୟ ନିଜର ମତାମତ ରଖିଥିଲେ । ଏହାପରେ ତପି ମିଶ୍ର ସେହି ମତାମତରେ ମହିଳା ଜଣଙ୍କ ପ୍ରତି ଅପମାନ ଜନକ ଶବ୍ଦ ବ୍ୟବହାର କରିଥିଲେ । ଯାହାକୁ ନେଇ ଉକ୍ତ ମହିଳା ଜଣଙ୍କ ଇନଫୋସିଟି ଥାନାରେ ତାଙ୍କ ମାନ କ୍ଷୁର୍ଣ୍ଣ ହୋଇଥିବା ଅଭିଯୋଗ କରିଥିଲେ । ଏହାକୁ ଆଧାର କରି କମିଶନରେଟ ପୋଲିସ ଏକ କେସ ରୁଜୁ କରି ତପି ମିଶ୍ରଙ୍କୁ ଗିରଫ କରିଥିଲା ।ଗିରଫ ଓ କୋର୍ଟ ଚାଲାଣ ସମୟରେ ତପି ମିଶ୍ର ପ୍ରତିକ୍ରିୟା ଦେଇଥିଲେ । ନିଜର ପ୍ରତିକ୍ରିୟା ରେ ତପି କହିଥିଲେ ଯେ, ‘ଶିବ ତାଣ୍ଡବର ଓଡି଼ଆରେ ଲେଖିବାରୁ ତାଙ୍କୁ ଏପରି ଫସାଇ ଦିଆଯାଇଛି । ଏପରିକି ତାଙ୍କ ସହ ଓଡ଼ିଶାବାସୀ ଓ ହିନ୍ଦୁ ରହିଛନ୍ତି । ଏହା ପଛରେ ଯେପରି ଷଡ଼ଯନ୍ତ୍ର କରାଯାଇଛି ।’ ଏନେଇ କିଛି ଆଇପିଏସ ଓ ଓଲିଉଡ ଗ୍ଲାମର ଦୁନିଆର କିଛି ବିବାଦିଅ ମନ୍ତବ୍ୟ ଦେଇଛନ୍ତି ।
