Garvita Odia
ଅନୁଗୁଳ: ଅନୁଗୁଳ ବନାଞ୍ଚଳ ସାହାରାଗୁଡ଼ା ଗ୍ରାମ୍ୟ ଜଙ୍ଗଲରୁ ଶନିବାର ଏକ ମାଈହାତୀର ମୃତଦେହ ମିଳିଛି। ଅନୁଗୁଳ ରେଞ୍ଜରଙ୍କ ସମେତ ଅନ୍ୟ ବନ କର୍ମଚାରୀମାନେ ଘଟଣାସ୍ଥଳରେ ପହଞ୍ଚି ତଦନ୍ତ କରୁଛନ୍ତି।
ସାହାରାଗୋଡ଼ା ଗାଁ ନିକଟରେ ଶନିବାର ଏକ ମାଈହାତୀର ମୃତଦେହ ପଡ଼ିଥିବା ସ୍ଥାନୀୟ ଲୋକମାନେ ଦେଖି ବନ ବିଭାଗକୁ ଖବର ଦେଇଥିଲେ। ତେବେ ହାତୀର ବୟସ ୧୫ ବର୍ଷ ମଧ୍ୟରେ ହୋଇଥିବା କୁହାଯାଉଥିବା ବେଳେ କୌଣସି ରୋଗରେ ହାତୀର ମୃତ୍ୟୁ ହୋଇଥିବା ସନ୍ଦେହ କରାଯାଉଛି।
ହାତୀଟି ରୁଗ୍ଣ ଅବସ୍ଥାରେ ଥିବା ବେଳେ ତାର ଚିକିତ୍ସା ଅଭାବରୁ ମୃତ୍ୟୁ ହୋଇଥିବା କୁହାଯାଉଛି। ସେପଟେ ଗାଁ ନିକଟରେ ହାତୀ ମରି ପଡ଼ିଥିବାରୁ ମୃତ୍ୟୁର କାରଣ ବିଦ୍ୟୁତ୍ କରେଣ୍ଟ କି ଆଉ କ’ଣ ସେନେଇ ତଦନ୍ତ ଚାଲିଛି।ଘଟଣାସ୍ଥଳରେ ଅନୁଗୁଳ ରେଞ୍ଜର ହରମୋହନ ପ୍ରଧାନ, ଫରେଷ୍ଟର ରଞ୍ଜନ ପ୍ରଧାନଙ୍କ ସମେତ ଅନ୍ୟ ବନ କର୍ମଚାରୀମାନେ ପହଞ୍ଚିଛନ୍ତି। ବନ ବିଭାଗର ବରିଷ୍ଠ କର୍ମଚାରୀ ଓ ପଶୁ ଚିକିତ୍ସକ ସେଠାରେ ପହଞ୍ଚିବା ପରେ ହାତୀ ମୃତ୍ୟୁର ପ୍ରକୃତ କାରଣ ଜଣାପଡିବ ବୋଲି ରେଞ୍ଜର କହିଛନ୍ତି।
