Garvita Odia
ଭୁବନେଶ୍ୱର: ବଳଙ୍ଗା ନାବାଳିକା ପୋଡ଼ି ଘଟଣା । ମଙ୍ଗଳବାର ଓଡ଼ିଶା ଫେରିବ ତଦନ୍ତକାରୀ ଟିମ୍ । ସୋମବାର ଦିନ ଏମ୍ସ ଯାଇ ପୀଡିତାଙ୍କ ବୟାନ ରେକର୍ଡ କରିଛି ତଦନ୍ତକାରୀ ଟିମ୍ । ୩୦ ମିନିଟ୍ ଧରି ପୀଡିତାଙ୍କୁ ପଚରାଉଚରା କରିଛି ତଦନ୍ତକାରୀ ଟିମ୍ । ବଳଙ୍ଗୀ ପୀଡ଼ିତାଙ୍କୁ ଜେରା କରିବା ଲାଗି ଏକ ଟିମ୍ ଦିଲ୍ଲୀ ଗସ୍ତ କରିଥିଲା । ଯେଉଁଥିରେ ପୁରୀ ଡିଏସ୍ପି, ବଳଙ୍ଗା ଥାନା ଅଧିକାରୀ ଆଦି ଅଫିସର ସାମିଲ ଥିଲେ । ସୋମବାର ଦିନ ପୀଡିତାଙ୍କୁ ଜେରା କରିବାକୁ ଧାର୍ୟ୍ୟ ହୋଇଥିଲା । ହେଲେ ପୀଡିତାଙ୍କ ଅସ୍ତ୍ରୋପଚାର ଲାଗି ଜେରାରେ ବିଳମ୍ବ ହୋଇଥିଲା । ଶେଷରେ ଅସ୍ତ୍ରୋପଚାର ନାବାଳିକାକୁ ପଚରାଉଚରା କରିଥିଲେ ଟିମ୍ । ଦୀର୍ଘ ୩୦ ମିନିଟ୍ ଧରି ପୀଡିତାଙ୍କୁ ବୟାନ ରେକର୍ଡ କରିଥିଲା ଟିମ୍ । ଯାହାର ପୁରା ଭିଡିଓ ରେକର୍ଡିଂ କରାଯାଇଛି । ପୀଡିତାଙ୍କୁ ପଚରାଉଚରା ପରେ ଆଜି ଟିମ୍ ଓଡ଼ିଶା ଫେରିବ । ହେଲେ ଏହାପୂର୍ବରୁ ପୁଣି ଥରେ ଏମ୍ସ ଯାଇ ପୀଡିତାଙ୍କ ସହ କିଛି ସମୟ ପଚରାଉଚରା କରିବା ପୋଲିସ । ବର୍ତ୍ତମାନ ସୁଦ୍ଧା ପୀଡିତାଙ୍କର ୩ ଥର ବୟାନ ରେକର୍ଡ ହୋଇସାରିଲାଣି । ବିଶେଷ ସୁତ୍ରରୁ ମିଳିଥିବା ତଥ୍ୟରେ ତିନି ଥର ସମାନ ଉତ୍ତର ସହିତ ସମାନ କଥା କହିଛନ୍ତି ପୀଡିତା । ଅନ୍ୟପଟେ ସୁରକ୍ଷା ଦୃଷ୍ଟିରୁ ପୀଡ଼ିତାଙ୍କ ଘର ସାମ୍ନାରେ ପୋଲିସ ମୁତୟନ କରାଯାଇଛି । ରାତିତମାମ ଘର ସାମ୍ନାରେ ଜରି ରହିଥିଲେ ପୋଲିସ କର୍ମୀ ।
