Garvita Odia
ନୂଆଦିଲ୍ଲୀ ; ଉତ୍ତରାଖଣ୍ଡରେ ପ୍ରକୃତିର କୋପ । ଲଗାତାର ବର୍ଷା ଯୋଗୁଁ ଅନେକ ସ୍ଥାନରେ ଦୁର୍ଘଟଣା ସମ୍ପର୍କରେ ସୂଚନା ଆସିଛି। ଏବେ ପୁଣି ଥରେ ଦୁଇଟି ଜିଲ୍ଲାରୁ ବାଦଲଫଟିବା ଘଟଣା ସାମ୍ନାକୁ ଆସିଛି। ଏଥିରେ ଚାମୋଲି ଏବଂ ତେହେରୀ ଅନ୍ତର୍ଭୁକ୍ତ। ଚାମୋଲିର ଦେୱାଲ ଅଞ୍ଚଳରେ ବାଦଲ ଫାଟିବା ଯୋଗୁଁ ଅନେକ ପରିବାର ଭଗ୍ନାବଶେଷ ତଳେ ଚାପି ହୋଇ ରହିଥିବା ସୂଚନା ମିଳିଛି। ଜିଲ୍ଲା ମାଜିଷ୍ଟ୍ରେଟ୍ ସନ୍ଦୀପ ତିୱାରୀ କହିଛନ୍ତି ଯେ ଚାମୋଲି ଜିଲ୍ଲାର ଦେୱାଲ ଅଞ୍ଚଳରେ ମେଘ ଫାଟିବା ଘଟଣାରେ ଦୁଇ ଜଣ ନିଖୋଜ ଅଛନ୍ତି ଏବଂ ଅନେକ ପଶୁ ପୋତି ହୋଇଯାଇଛନ୍ତି। ସମଗ୍ର ଜିଲ୍ଲାରେ ପ୍ରବଳ ବର୍ଷା ଯୋଗୁଁ ରାସ୍ତା ବନ୍ଦ ରହିଛି। ରିଲିଫ୍ ଦଳ ଘଟଣାସ୍ଥଳରେ ପହଞ୍ଚିଛନ୍ତି।। ସ୍ଥାନୀୟ ପ୍ରଶାସନ ପକ୍ଷରୁ ଘଟଣାସ୍ଥଳରେ ରିଲିଫ୍ ଏବଂ ଉଦ୍ଧାର କାର୍ୟ୍ୟ ଆରମ୍ଭ କରାଯାଇଛି।
ଉତ୍ତରାଖଣ୍ଡ ମୁଖ୍ୟମନ୍ତ୍ରୀ ପୁଷ୍କର ସିଂହ ଧାମି ଏହି ଦୁଇଟି ଘଟଣା ବିଷୟରେ ଢରେ ସୂଚନା ପୋଷ୍ଟ କରିଛନ୍ତି। ସେ ଲେଖିଛନ୍ତି, “ରୁଦ୍ରପ୍ରୟାଗ ଜିଲ୍ଲାର ତହସିଲ ବାସୁକେଦାର ଅଞ୍ଚଳ ଏବଂ ଚାମୋଲି ଜିଲ୍ଲାର ଦେୱାଲ ଅଞ୍ଚଳରେ ବାଦଲ ଫାଟିବାରୁ କିଛି ପରିବାର ସେଠାରେ ଫସି ରହିଥିବାର ଖବର ମିଳିଛି। ସ୍ଥାନୀୟ ପ୍ରଶାସନ ଦ୍ୱାରା ରିଲିଫ୍ ଏବଂ ଉଦ୍ଧାର କାର୍ୟ୍ୟ ଯୁଦ୍ଧକାଳୀନ ଭିତ୍ତିରେ ଚାଲିଛି । ବିପର୍ୟ୍ୟୟ ସଚିବ ଏବଂ ଜିଲ୍ଲା ମାଜିଷ୍ଟ୍ରେଟଙ୍କ ସହ କଥା ହେବା ସହ ଉଦ୍ଧାର କାର୍ୟ୍ୟର ପରିଚାଳନା ପାଇଁ ଆବଶ୍ୟକୀୟ ନିର୍ଦ୍ଦେଶ ଦେଇଛି। ସମସ୍ତଙ୍କ ସୁରକ୍ଷା ପାଇଁ ବାବା କେଦାରଙ୍କ ନିକଟରେ ପ୍ରାର୍ଥନା କରୁଛି।”
