ଦୁଇ ନାବାଳିକାଙ୍କୁ ଗଣଦୁଷ୍କର୍ମ ଅଭିଯୋଗ

ଗଞ୍ଜାମ: ଦୁଇ ନାବାଳିକାଙ୍କୁ ଘରୁ ଡାକି ନେଇ ଗଣଦୁଷ୍କର୍ମ କରାଯାଇଛି। ଏ ନେଇ ପରିବାର ପକ୍ଷରୁ ଥାନାରେ ଅଭିଯୋଗ ​କରାଯିବା ପରେ ପୁଲିସ ଅଭିଯୁକ୍ତମାନଙ୍କୁ ଧରିବାକୁ ଉଦ୍ୟମ ଚଳାଇଛି। ଘଟଣାଟି ଗଞ୍ଜାମ ଜିଲା ଗୋଳନ୍ଥରା ଥାନା ଅଞ୍ଚଳରେ ଘଟିଛି।
ସୂଚନା ଅନୁସାରେ, ନାବାଳିକାଙ୍କ ଘରେ ଗୁରୁବାର ରାତିରେ କୌଣସି ଶୁଭକାର୍ୟ୍ୟ ଚାଲିଥିଲା। ଏହି ଅବସରରେ ସ୍ଥାନୀୟ ୪ ଜଣ ଯୁବକ ନାବାଳିକା ଦ୍ଵୟଙ୍କୁ ବାହାନା ଦେଖାଇ ଘରୁ ଡାକି ନେଇଥିଲେ। ସେମାନଙ୍କୁ ଗାଁ ବାହାରକୁ ନେଇ ଦୁଷ୍କର୍ମ କରିଥିଲେ। ନାବାଳିକା ଦୁଇ ଜଣ ଏ ନେଇ ଘରେ ଜଣାଇବା ପରେ ପରିବାର ପକ୍ଷରୁ ଥାନାରେ ଅଭିଯୋଗ କରାଯାଇଛି।