Garvita Odia
କଟକ: ଦିନ ଦ୍ୱିପ୍ରହରରେ ମହିଳାଙ୍କୁ କଟୁରୀରେ ହାଣି ବିଭତ୍ସ ହତ୍ୟା କରାଯାଇଛି । କଟକ ପୋତାପୋଖୋରି ଅଞ୍ଚଳରେ ଘଟିଛି ଏହି ହତ୍ୟାକାଣ୍ଡ । ପାଣି ଟାଙ୍କି ନିକଟରେ ଥିବା ବସ୍ତି ଭିତରେ ମହିଳାଙ୍କୁ କଟୁରୀରେ ହାଣି ହତ୍ୟା କରିଛନ୍ତି ତାଙ୍କ ପଡୋଶୀ । ଘଟଣାସ୍ଥଳରେ ସିଆରଆରଆଇ ଥାନା ପୋଲିସ ପହଞ୍ଚି ଛାନଭିନ୍ ଆରମ୍ଭ କରିଛି ।
ସୂଚନା ଅନୁସାରେ, କଟକ ଗାନ୍ଧିପଲ୍ଲୀ କୁଷ୍ଠଶ୍ରମ ସରକାରୀ କ୍ୱାଟରରେ ରହୁଥିବା ପ୍ରିୟତମା ଦଳାଇଙ୍କୁ ହତ୍ୟା କଲେ ତାଙ୍କ ପଡୋଶୀ ସନ୍ତୋଷ ସିଂହା । ସନ୍ତୋଷକୁ ଅଟକାଇବାକୁ ଯାଇ ତାଙ୍କ ମା’ ବିଜୁଳି ରାଣି ସିଂହ ଆହତ ହୋଇ ଏସସିବିରେ ଚିକିତ୍ସିତ ହେଉଛନ୍ତି । ମିଳିଥିଲା ସୂଚନା ମୁତାବକ ସନ୍ତୋଷ ସହିତ ତାଙ୍କ ପଡୋଶୀ ପ୍ରିୟତମା ଓ ତାଙ୍କ ସ୍ୱାମୀ ତିରିମତ ଝଗଡା କରୁଥିଲେ । ଅନେକ ଥର ମାମଲା ଥାନାକୁ ମଧ୍ୟ ଯାଇଥିଲା । ସନ୍ତୋଷ ଆଉ ଝଗଡା କରିବେ ନାହିଁ ବୋଲି ଥାନାକୁ ଜଣାଇବା ପରେ ବିବାଦ ପ୍ରଶମିତ ହୋଇଥିଲା । କିନ୍ତୁ ସନ୍ତୋଷ ଏନେଇ ରାଗ ରଖିଥିଲେ । ଆଜି ପୂର୍ବ ଯୋଜନା ମୁତାବକ ସେ ଏକ କଟୁରୀରେ ତାଙ୍କୁ ଆକ୍ରମଣ କରିଥିଲେ । ଆକ୍ରମଣରେ ପ୍ରିୟତମାଙ୍କ ମୁଣ୍ଡ ଓ ବେକରେ ଗଭୀର ଆଘାତ ଲାଗିଥିଲା । ଘର ଭିତରୁ ମହିଳାଙ୍କୁ ଉଦ୍ଧାର କରାଯାଇ SCB ମେଡିକାଲ ହସ୍ପିଟାଲକୁ ପଠାଯାଇଥିଲା । କିନ୍ତୁ, ସେଠାରେ ଡାକ୍ତରମାନେ ମହିଳାଙ୍କୁ ମୃତ୍ୟୁ ଘୋଷଣା କରିଛନ୍ତି ।
