ସାରା ବିଶ୍ୱ ଭାରତର ଶକ୍ତି, ସାମର୍ଥ୍ୟ ଦେଖିଲା: ରାଜନାଥ ସିଂ

ନୂଆଦିଲ୍ଲୀ: ଅପରେସନ୍ ସିନ୍ଦୂରକୁ ସଫଳ କରିଛନ୍ତି ଭାରତୀୟ ସେନା । ବିଶ୍ୱରେ ଭାରତ ମୁଣ୍ଡକୁ ଉଚ୍ଚ କରିଛନ୍ତି ବାୟୁବୀର । ଭାରତର ସୀମା ସୁରକ୍ଷିତ ରହିଛି । ସାରା ବିଶ୍ୱ ଦେଖିଲା ଆମ ସେନାଙ୍କ ପରାକ୍ରମ । ଭୁଜ୍ ଏୟାରବେସ୍ ସୁରକ୍ଷିତ ଅଛି । ପାକିସ୍ତାନକୁ ଦିନରେ ତାରା ଦେଖାଇଛୁ । ବ୍ରହ୍ମୋସ ମିସାଇଲର ତାକତକୁ ମାନିଛି ପାକିସ୍ତାନ । ସାରା ବିଶ୍ୱ ଭାରତ ଶକ୍ତି, ସାମର୍ଥ୍ୟ ଦେଖିଲା । ଟ୍ରେଲର ଦେଖିଛନ୍ତି କିଛି ଦିନ ପରେ ପୁରା ଫିଲ୍ମ ଦେଖିବ ବିଶ୍ୱ । ଗୁଜରାଟ ଭୁଜ ଏୟାରବେସ୍‌ରେ ବାୟୁସେନାଙ୍କୁ ଭେଟିବା ସହ ପାକିସ୍ତାନକୁ କଡ଼ା ଚେତବାନୀ ଦେଇ ରଣହୁଙ୍କାର ଦେଇଛନ୍ତି ପ୍ରତିରକ୍ଷାମନ୍ତ୍ରୀ ରାଜନାଥ ସିଂ ।

ଗୁଜରାଟ ଭୁଜ ଏୟାରବେସରେ ବାୟୁସେନାଙ୍କୁ ଭେଟି ମନୋବଳ ବଢାଇଛନ୍ତି ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ । ବାୟୁସେନାଙ୍କୁ ସମ୍ବୋଧୀତ କରିବା ସହିତ ଆତଙ୍କୀସ୍ଥାନକୁ କଡା ଚେତାବନୀ ଦେଇଛନ୍ତି । ସମ୍ବୋଧନରେ ପ୍ରତିରକ୍ଷା ମନ୍ତ୍ରୀ କହିଛନ୍ତି, ” ଭୁଜ ଏୟାରବେସ୍ ୧୯୬୫ରେ ପାକିସ୍ତାନ ବିପକ୍ଷରେ ବିଜୟର ସାକ୍ଷୀ ହୋଇଛି । ଆଜି ବି ପାକ୍ ବିପକ୍ଷରେ ବିଜୟର ସାକ୍ଷୀ ହେଲା । ଭୁଜ ମାଟିରେ ଦେଶ ଭକ୍ତିର ବାସ୍ନା ଅଛି । ଆଜି ଏଠାରେ ଉପସ୍ଥିତ ହୋଇ ଗର୍ବ ଅନୁଭବ କରୁଛି । ଅପରେସନ ସିନ୍ଦୂରରକୁ ତୁମେ ସଫଳ କରି ଦେଖାଇଛ । ବିଶ୍ୱ ଆଗରେ ଭାରତର ମୁଣ୍ଡ ଉଚ୍ଚା କରିଛ । ଅପରେସନ୍ ସିନ୍ଦୂର ଏବେ ବି ଚାଲିଛି । ଏହି ଅପରେସନ୍ ଜରିଆରେ ତୁମେ ଯାହା କରିଛ ସବୁ ଭାରତୀୟଙ୍କୁ ଗର୍ବିତ କରିଛି । ମାତ୍ର ୨୩ ମିନିଟ୍‌ରେ ପାକିସ୍ତାନରେ ବଢୁଥିବା ଆତଙ୍କୀ ଆଡ୍ଡାକୁ ଛାରଖାର କରିଥିଲ ।”