Garvita Odiaମାଲକାନଗିରି,୨୧/୦୮:ଛତିଶଗଡର କୋଣ୍ଡାଗାଓଁ ଜିଲ୍ଲା ପୁଲିସ ନିକଟରେ ୪ ଜଣ ନକ୍ସଲ ସମେତ ଦୁର୍ଦ୍ଦାନ୍ତ ମାଓ ଦମ୍ପତ୍ତି ଆତ୍ମସମର୍ପଣ କରିଛନ୍ତି। ଏସପି ଵାଇ ଅକ୍ଷୟ କୁମାରଙ୍କ ସମ୍ମୁଖରେ ଲକ୍ଷମ କାରାମ ଏବଂ ତାଙ୍କ ପତ୍ନୀ ମାଡୋ ଓରଫ ଜରିନା, ସୁଖରାମ ଏବଂ ବୁଦ୍ଧୁରାମ ଆତ୍ମସମର୍ପଣ କରିଛନ୍ତି। ଏମାନଙ୍କ ମଧ୍ୟରୁ ଲକ୍ଷମ କରାମ ମୁଣ୍ଡରେ ୮ ଲକ୍ଷ, ପତ୍ନୀ ଜରିନାଙ୍କ ମୁଣ୍ଡରେ ୫ ଲକ୍ଷ, ସୁଖରାମଙ୍କ ମୁଣ୍ଡରେ ୮ ଲକ୍ଷ ଏବଂ ବୁଦ୍ଧୁରାମଙ୍କ ମୁଣ୍ଡରେ ୧ ଲକ୍ଷ ଟଙ୍କାର ପୁରସ୍କାର ଥିଲା। ସଂଗଠନରେ ରହିବା ସମସ୍ୟା ଦେଖାଦେଇଥିବାରୁ ସଂଗଠନ ଛାଡି ଜଙ୍ଗଲ ରାସ୍ତାରେ ଦୌଡ଼ି ଦୌଡ଼ି ମାଓ ଦମ୍ପତି ପୁଲିସ ନିକଟରେ ପହଞ୍ଚି ସେମାନଙ୍କୁ ମୁଖ୍ୟସ୍ରୋତରେ ସାମିଲ ହେବାକୁ ଦିଅନ୍ତୁ ବୋଲି ଗୁହାରି କରିଥିଲେ। ସଂଗଠନରେ ସେମାନଙ୍କୁ ଜୀବନରେ ମାରିଦେବେ ବୋଲି ପୁଲିସ ନିକଟରେ ସବୁ ବଖାଣିଥିଲେ। ସେହିପରି ଅନ୍ୟ ଦୁଇ ଜଣଙ୍କ ମଧ୍ୟରୁ ସୁଖରାମ ମାଓ ସଂଗଠନରେ ଡାକ୍ତର ଭାବେ କାମ କରୁଥିଲା। ଜଙ୍ଗଲରେ ବୁଲି ବୁଲି ଆହତ ଓ ରୋଗାଗ୍ରସ୍ତ ନକ୍ସଲଙ୍କୁ ସୁଖରାମ ଚିକିତ୍ସା କରୁଥିଲା। ତେବେ ସଂଗଠନରେ ପ୍ରତିଦିନ କିଛି ନା କିଛି ଘଟୁଥିବାରୁ ତୁରନ୍ତ ସଂଗଠନ ଛାଡିବା ପାଇଁ ସେ ଚିନ୍ତା କରି ପୁଲିସ ନିକଟରେ ଆତ୍ମସମର୍ପଣ କରିଛି। ବହୁ ହିଂସାରେ ଏମାନେ ଜଡିତ ଥିବା ପୁଲିସ କହିଛି। ଏମାନଙ୍କୁ ପୁଲିସ ତରଫରୁ ୫୦ ହଜାର ଟଙ୍କା ଲେଖାଏଁ ଆର୍ଥିକ ସହାୟତା ଦେବା ସହ ଆଗାମୀ ଦିନରେ ଆତ୍ମନିର୍ଭରଶୀଳ କରାଯିବ ବୋଲି କୁହାଯାଇଛି। ଏମାନେ ପୁଲିସ ନିକଟରେ ବହୁ ଗୁରୁତ୍ବପୂର୍ଣ୍ଣ ତଥ୍ୟ ଓଗାଳିଥିବା ପୁଲିସ କହିଛି।
ଓଡ଼ିଶାରେ ୨ ଦିନିଆ ଅନୁସୂଚିତ ଜାତି ଓ ଜନଜାତି ସଂସଦୀୟ କମିଟିର ଜାତୀୟ ସମ୍ମିଳନୀ ଉଦ୍ଘାଟିତ
Garvita Odia- August 29, 2025
ଭୁବନେଶ୍ୱର,29।08: ଭୁବନେଶ୍ୱରଠାରେ ସଂସଦ ଏବଂ ରାଜ୍ୟ ବିଧାନସଭାର ଅନୁସୂଚିତ ଜାତି ଓ ଜନଜାତି କଲ୍ୟାଣ ଉପରେ ଗଠିତ ସମିତିର ଅଧ୍ୟକ୍ଷମାନଙ୍କ ଜାତୀୟ ସମ୍ମିଳନୀକୁ ଉଦଘାଟନ କରିଛନ୍ତି ଲୋକସଭାର ବାଚସ୍ପତି ଓମ୍ ବିର୍ଲା। ଅଗଷ୍ଟ ୨୯ ଏବଂ ୩୦ରେ ଏହି ଜାତୀୟ ସମ୍ମିଳନୀ…