Garvita Odia
ରାଉରକେଲା: ବିସ୍ଫୋରକ ଲୁଟ୍ ଘଟଣାରେ ନୂଆ ଟ୍ବିଷ୍ଟ । ଆଜି ଧରାପଡ଼ିଛି ଦୁଇଟି ମିନି ଟ୍ରକରେ ଭର୍ତ୍ତି ବିସ୍ପୋରକ। ସୁନ୍ଦରଗଡ଼ ରଘୁନାଥପାଲି ଥାନା ବାଲୁଘାଟ ଜାତୀୟ ରାଜପଥର ରାଉରକେଲା ପିଉସ ପେଟ୍ରୋଲ ପମ୍ପରୁ ଏହାକୁ ଜବତ କରିଛି ରାଉରକେଲା ପୋଲିସର ସ୍ଵତନ୍ତ୍ର ଟିମ୍ । ଦୁଇ ଦିନ ହେଲା ପେଟ୍ରୋଲ ପମ୍ପରେ ବେଆଇନ ବିସ୍ପୋରକ ଭର୍ତ୍ତି ଏହି ଦୁଇଟି ମିନି ଟ୍ରକ୍ ରଖାଯାଇଥିଲା। ଦୁଇଟି ଟ୍ରକରେ ପାଖାପାଖି ୮ ଟନ୍ ବିସ୍ଫୋରକ ରହିଛି । ତେବେ କିଏ ଏଠାରେ ଏମିତି ବେଆଇନ ଭାବେ ଏତେ ପରିମାଣର ବିସ୍ଫୋରକ ଭର୍ତ୍ତି ଗାଡି଼ ରଖିଥିଲା । ବାଙ୍କୋ ନିକଟ ଜଙ୍ଗଲରୁ ଲୁଟ୍ ହୋଇଥିବା ବିସ୍ଫୋରକ ସହ ଏହାର କିଛି ସଂପୃକ୍ତି ରହିଛି କି ? ଏହି ବିସ୍ଫୋରକକୁ ବାହାର ରାଜ୍ୟକୁ ଚୋରା ଚାଲଣ ହେଉଥିଲା କି ? ଏଭଲି ନାନା ସନ୍ଦେହ ଉପୁଜଛି । ପୋଲିସ ଟ୍ରକ ଦୁଇଟିର ଯାଞ୍ଚ କରିବା ସହ ଏହି ଘଟଣାର ଅଧିକ ଖୋଳତାଡ଼ କରୁଛି । ସେପଟେ ବଡଗାଁ ଇତମା ବିସ୍ପୋରକ ଗୋଦାମ ମାଲିକ ଶ୍ରବଣ ଅଗ୍ରୱାଲଙ୍କୁ ଅଟକ ରଖିଛି ପୋଲିସ ।
