Garvita Odia
ଭୁବନେଶ୍ୱର: ଆୟୁଷ୍ମାନ ଯୋଜନା ରାଜ୍ୟବାସୀଙ୍କ ପାଇଁ ସମ୍ପୂର୍ଣ୍ଣ ନୂଆ। ତେଣୁ କିଛି କିଛି ସମସ୍ୟା ଉପୁଜିବାଟା ସ୍ୱାଭାବିକ। କିନ୍ତୁ ସେସବୁର ସମାଧାନ ପାଇଁ ସରକାରୀ ଭାବେ ପଦକ୍ଷେପ ନିଆଯିବ ବୋଲି କହିଛନ୍ତି ଉପ ମୁଖ୍ୟମନ୍ତ୍ରୀ ପ୍ରଭାତୀ ପରିଡା। ତେଣେ ହିତାଧିକାରୀଙ୍କ ମତରେ ଯେହେତୁ ଆୟୁଷ୍ମାନ କାର୍ଡ ସାରା ଦେଶରେ କାର୍ୟ୍ୟକାରୀ ହେଉଛି, ତେଣୁ ଏହାକୁ ନେଇ ସମସ୍ୟା ରହିବ ନାହିଁ। ହେଲେ ଏଥିରେ ସାମିଲ ହେବାକୁ ଥିବା ଲୋକଙ୍କ ପାଖରେ ପର୍ୟ୍ୟାପ୍ତ ସୂଚନା ରହିବା ଆବଶ୍ୟକ। ଶୁକ୍ରବାର ଠାରୁ ଏହି ଯୋଜନା ରାଜ୍ୟରେ କାର୍ୟ୍ୟକାରୀ ହୋଇଛି। ପୂର୍ବରୁ ଯେଉଁମାନେ ବିଜୁ ସ୍ୱାସ୍ଥ୍ୟ କଲ୍ୟାଣ କାର୍ଡ ପଇସାରିଛନ୍ତି, ସେମାନେ ଏହି ଯୋଜନାରେ ଆପେ ଆପେ ସାମିଲ ହୋଇଯିବେ ବୋଲି ଶୁକ୍ରବାର ଆୟୋଜିତ କାର୍ୟ୍ୟକ୍ରମରେ ସ୍ୱାସ୍ଥ୍ୟ ବିଭାଗ ପକ୍ଷରୁ ସୂଚନା ଦିଆଯାଇଛି। କିନ୍ତୁ ନୂଆ ହିତାଧିକାରୀ ମାନଙ୍କୁ ଚିହ୍ନଟ କରିବା, ସେମାନଙ୍କୁ ଯୋଜନାରେ ସାମିଲ କରାଇବା ଭଳି ଗୁରୁ ଦାୟିତ୍ୱ ଏବେ ସରକାରୀ କଳ ହାତରେ, ଯାହା ସମ୍ଭବ ହୋଇପାରିବ ବୋଲି ଉପ ମୁଖ୍ୟମନ୍ତ୍ରୀ କହିଛନ୍ତି।
