ଇରାନ ହୋର୍ମୁଜ ଖୋଲିକି ହିଁ ରହିବ: ଟ୍ରମ୍ପ

ନୂଆଦିଲ୍ଲୀ: ଆମେରିକା ଏବଂ ଇରାନ ମଧ୍ୟରେ ଆଜି ପାକିସ୍ତାନରେ ଶାନ୍ତି ଆଲୋଚନା ହେବ । ଇସଲାମାବାଦରେ ହେବାକୁ ଥିବା ଏହି ବୈଠକରେ ଦୁଇ ଦେଶ ସେମାନଙ୍କ ମୁଦ୍ଦା ଉଠାଇବେ । ଏହି ବୈଠକ ଉପରେ ବିଶ୍ୱର ନଜର ରହିଛି । ଏହି ଶାନ୍ତି ବାର୍ତ୍ତା ପୂର୍ବରୁ ଆମେରିକା ରାଷ୍ଟ୍ରପତି ଇରାନକୁ ଧମକ ଦେଇଛନ୍ତି । ଟ୍ରମ୍ପ ଦାବି କହିଛନ୍ତି ଇରାନକୁ ଯେମିତି ହେଲେ ବି ହୋର୍ମୁଜ ଖୋଲିବାକୁ ହେବ । ଡିଲ୍ ହେଉ କି ନ ହେଉ ହୋର୍ମୁଜ ପ୍ରଣାଳୀ ଖୋଲିବ ହିଁ ଖୋଲିବ ।
ଇସାଲାମାବାଦରେ ଇରାନ ସହିତ ଆଲୋଚନା ପୂର୍ବରୁ, ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ତାଙ୍କ ସୋସିଆଲ ମିଡିଆ ପ୍ଲାଟଫର୍ମ ଟ୍ରୁଥରେ ପୁନର୍ବାର କହିଛନ୍ତି ଯେ, ସମସ୍ତ ପରିସ୍ଥିତିରେ ହୋର୍ମୁଜ୍ ପ୍ରଣାଳୀ ଖୋଲାଯିବ। ଇରାନ ସହିତ ଏକ ଚୁକ୍ତି ହେଉ କି ନ ହେଉ, ଏହି ଉପସାଗରୀୟ ପଥ ଖୋଲା ରହିବ । ଇରାନ ପାଖରେ କୌଣସି ବିକଳ୍ପ ନାହିଁ । ହୋର୍ମୁଜ ପ୍ରଣାଳୀ ଖୋଲିବାକୁ ପଡିବ । ଇରାନ ହୋର୍ମୁ ପ୍ରଣାଳୀରେ ଅନ୍ତର୍ଜାତୀୟ ଜଳପଥ ନିୟନ୍ତ୍ରଣ କରି ବିଶ୍ୱରୁ ଟଙ୍କା ଆଦାୟ କରୁଛି । ଇରାନୀମାନେ ହୁଏତ ଅନୁଭହ କରିନାହାନ୍ତି ଯେ, ଅନ୍ତର୍ଜାତୀୟ ଜଳପଥ ବ୍ୟବହାର କରି ବିଶ୍ୱକୁ ଧମକ ଦେବା ବ୍ୟତୀୟ ସେମାନଙ୍କ ପାଖରେ ଆଉ କୌଣସି କାର୍ଡ ନାହି । ଯଦି ସେମାନେ ଜୀବିତ ଅଛନ୍ତି ତେବେ କେବଳ ଆଲୋଚନା କରିବକୁ । ଟ୍ରମ୍ପ ଏହାକୁ ହାସଲ କରିବା ପାଇଁ ସାମରିକ କାର୍ୟ୍ୟାନୁଷ୍ଠାନକୁ ମଧ୍ୟ ଧମକ ଦେଇଛନ୍ତି ।
ଶାନ୍ତି ଆଲୋନଚା ଫେଲ୍ ହେଲେ ପୁଣି ଯୁଦ୍ଧ – ଆମେରିକା ଉପରାଷ୍ଟ୍ରପତି ଜେଡି ଭାନ୍ସ ଶାନ୍ତି ଆଲୋନଚା ପାଇଁ ଇସଲାମାବାଦରେ ପହଞ୍ଚିଛନ୍ତି । ନ୍ୟୁୟର୍କ ପୋଷ୍ଟ ସହିତ ଏକ ସାକ୍ଷାତକାରରେ ଟ୍ରମ୍ପ ଇସାରା ଦେଇଛନ୍ତି ଯେ, ଏହି ଆଲୋଚନା ବିଫଳ ହୁଏ, ତେବେ ଇରାନ ଉପରେ ଆକ୍ରମଣ ପୁଣି ଥରେ ଆରମ୍ଭ ହୋଇପାରେ । ଆମେରିକା ଯୁଦ୍ଧଜାହଜଗୁଡିକ ସର୍ବୋତ୍ତମ ଗୋଳାବାରୁଦରେ ସଜ୍ଜିତ ଏବଂ ଆକ୍ରମଣ ପାଇଁ ପ୍ରସ୍ତୁତ । ଆମେରିକା ରାଷ୍ଟ୍ରପତି ଦାବି କରିଛନ୍ତି ଯେ, ଇରାନ ରାଜି ହେଉ କି ନ ହେଉ, ୱାସିଂଟନ ଖୁବଶୀଘ୍ର ହୋର୍ମୁଜ ପ୍ରଣାଳୀ ପୁଣି ଖୋଲିବ । ଏହା ସହଜ ହେବ ନାହିଁ, ମୁଁ କେବଳ ଏତିକି କହିବି ଯେ ଆମେ ଏହାକୁ ଶୀଘ୍ର ଖୋଲିବୁ ।”
​​​​​​​ଟ୍ରମ୍ପ ଆହୁରି କହିଛନ୍ତି, ଆମେ ଏପରି ଲୋକଙ୍କ ସହ କାର୍ୟ୍ୟ କରିବାକୁ ଚାହୁଁଛୁ ଯେଉଁମାନେ, ସତ କହୁଛନ୍ତି କି ନାହିଁ ଆମେ ଜାଣିନାହୁଁ । ସେମାନେ ଆମକୁ କହୁଛନ୍ତି ଯେ, ସେମାନେ ପରମାଣୁ ଅସ୍ତ୍ରଶସ୍ତ୍ର ସମାପ୍ତ କରୁଛନ୍ତି, ତା ପରେ ସେମାନେ ପ୍ରେସକୁ ଯାଇ କହୁଛନ୍ତି ଯେ ସେମାନେ ୟୁରାନିୟମକୁ ସମୃଦ୍ଧ କରିବାକୁ ଚାହୁଁଛନ୍ତି । ଇରାନର ଲୋକମାନେ ଯୁଦ୍ଧ କରିବା ଅପେକ୍ଷା ମିଛ ଖବର ଗଣମାଧ୍ୟମ ଏବଂ ଜନସମ୍ପର୍କ ପରିଚାଳନା କରିବାରେ ଭଲ ।