Garvita Odia
ନୂଆପଡା: ନୂଆପଡାରେ ଆଜି ଉପନିର୍ବାଚନ ପାଇଁ ମତଦାନ ଅନୁଷ୍ଠିତ ହେଉଛି । ସକାଳ ୭ଟାରୁ ମତଦାନ ଆରମ୍ଭ ହୋଇଛି । ଉପନିର୍ବାଚନରେ ନିଜର ମତଦାନ ସାବ୍ୟସ୍ତ କରିବା ପାଇଁ ଲୋକମାନେ ବେଶ ଉତ୍ସାହିତ ରହିଛନ୍ତି । ଯିଏ ସେମାନଙ୍କର ଅସୁବିଧାକୁ ବିଝିବ ଏବଂ ଅଞ୍ଚଳର ବିକାଶ କରିବା ତାହାକୁ ଭୋଟ ଦେଉଛନ୍ତି ବୋଲି ମତଦାତା ମାତେ କହିଛନ୍ତି । ତେବେ ନୂଆପଡାରେ ସଖୀ ମତଦାନ କେନ୍ଦ୍ର ଭୋଟରଙ୍କୁ ବିଶେଷ ଭାବରେ ଆକୃଷ୍ଟ କରୁଛି ।
ନୂଆପଡାର ନେସନାଲ ଉଚ୍ଚ ବିଦ୍ୟାଳୟକୁ ସଖୀ ମତଦାନ କେନ୍ଦ୍ର କରାଯାଇଛି । ସେଠାରେ ଭୋଟରଙ୍କୁ ଆକୃଷ୍ଟ କରିବା ପାଇଁ ବିଭିନ୍ନ ବ୍ୟବସ୍ଥା କରିଛି ପ୍ରଶାସନ । ଭୋଟରମାନେ ମତଦାନ ପରେ ସେଲଫି ପଏଣ୍ଟରେ ଫଟୋ ଉଠାଇବା ପରେ ସୋସିଆଲ ମିଡ଼ିଆରେ ସେୟାର କରୁଛନ୍ତି । ଏହାସହିତ ମହିଳାମାନଙ୍କ ଲାଗି ସେଲଫି ପଏଣ୍ଟରେ ସୋଫା ପକାଯାଇଛି, ଯେଉଁଠାରେ ଟିକେ ବସିପଡି ଫଟୋ ଉଠାଉଛନ୍ତି । ପ୍ରଶାସନର ଏଭଳି ବ୍ୟବସ୍ଥାକୁ ମତଦାତାମାନେ ସ୍ୱାଗତ କରିଛନ୍ତି ।
