ରମେଶଙ୍କ ବୟାନ ବଢ଼ାଇଲା ସସପେନ୍ସ

ଭୁବନେଶ୍ୱର: ରୋଚକ ମୋଡରେ ରାଜ୍ୟସଭା ନିର୍ବାଚନ। ଭୋଟ୍ ଦେଇ ବାହାରିଛନ୍ତି କଂଗ୍ରେସର ବିଧାୟକ ରମେଶ ଜେନା । ହେଲେ ତାଙ୍କ ବୟାନ ଏବେ ରାଜନୈତିକ ମହଲରେ ସସପେନ୍ସ ବଢ଼ାଇଛି। ସେ ଭୋଟ୍ ତ ଦେଲେ, ହେଲେ କାହାକୁ ଦେଲେ ସେ କଥା ସ୍ପଷ୍ଟ କଲେନି। ଦଳୀୟ ହ୍ୱିପ୍ ମାନିଛନ୍ତି ନା କ୍ରସ୍ ଭୋଟିଂ କରିଛନ୍ତି, ତାକୁ ନେଇ ଏବେ କଂଗ୍ରେସ ଶିବିରରେ ଛନକା ପଶିଛି।
ବିଶେଷ କରି ମୋହନା ବିଧାୟକ ଦାଶରଥୀ ଗମାଙ୍ଗଙ୍କ ରୋଚକ ମନ୍ତବ୍ୟ ଏବେ ସବୁଠି ଚର୍ଚ୍ଚାର ବିଷୟ ପାଲଟିଛି।ସେ କହିଛନ୍ତି, ପାହାଡ ଉପରେ ଥିଲି। ମୋ ମୋବାଇଲରେ ନେଟୱର୍କ ନଥିଲା। ପିସିସ ସଭାପତି ଯାହାକୁ କହିଲେ ତାଙ୍କୁ ଦେଲି। ଗତ କିଛି ଦିନ ହେବ ଦାଶରଥୀଙ୍କ ପତ୍ତା ମିଳୁନଥିଲା। ଦଳ ଉପରେ ଦଳ ନୋଟିସ୍ ଜାରି କରୁଥିଲେ ମଧ୍ୟ ସେ ପାର୍ଟି ଅଫିସ୍ ଆସିନଥିଲେ। ହେଲେ ଆଜି ସିଧା ବିଧାନସଭାରେ ପହଞ୍ଚି ଭୋଟ୍ ଦେଇଛନ୍ତି ଦାଶରଥୀ।