Garvita Odia
ଭୁବନେଶ୍ୱର: ରାଜ୍ୟସଭା ନିର୍ବାଚନକୁ ନେଇ ରାଜ୍ୟ ରାଜନୀତିରେ ଘଡିକେ ଘୋଡ଼ା ଛୁଟୁଛି । ବିଶେଷ କରି ବିଜେଡି ବିଧାୟକଙ୍କ ମତିଗତି ଉପରେ ସମସ୍ତଙ୍କ ନଜର ରହିଛି । କ୍ଷମତାରୁ ଯିବା ପରେ ବିଭିନ୍ନ କାରଣରୁ ଚର୍ଚ୍ଚାରେ ରହିଥିବା ବିଜେଡି ସଭାପତିଙ୍କ ଲାଗି ରାଜ୍ୟସଭା ଚ୍ୟାଲେଞ୍ଜ ସୃଷ୍ଟି କରିଛି । ନିର୍ବାଚନକୁ ମାତ୍ର 2 ଦିନ ଥିବାବେଳେ ବିଧାୟକଙ୍କ ଲାଗି ତାଲିମ ବ୍ୟବସ୍ଥା କରିଛନ୍ତି ବିଜେଡି ସଭାପତି । ସେପଟେ ବିଜେପିର ଘୋଡ଼ା ବେପାରରେ ବିଧାୟକ ପ୍ରଭାବିତ ହେବେନାହିଁ ବୋଲି ବିଜେଡି ଦାବି କରିଛି ।
ବରିଷ୍ଠ ବିଜେଡି ବିଧାୟକ ଅରୁଣ ସାହୁ କହିଛନ୍ତି, “ସବୁବେଳେ ସବୁ କାମ ପାଇଁ ବିଜେଡି ସଭାପତି ନବୀନ ପଟ୍ଟନାୟକ ସିରିୟସ୍ ଥାନ୍ତି । ସମସ୍ତ ନିର୍ବାଚନକୁ ସେ ସିରିୟସ୍ ନେଇ କାମ କରନ୍ତି । ଦଳ ଚଳେଇବା ଓ ଦଳକୁ ନେତୃତ୍ୱ ଦେବାରେ ସିରିଏସନେସ ରହିବା କଥା । ଏଥିରେ ନୂଆ କଥା କିଛି ନାହିଁ । ଦଳକୁ ସୁସଙ୍ଗଠିତ କରି ରଖିବା ପାଇଁ ଚେଷ୍ଟା କରିବାକୁ ଦାଇତ୍ୱ ସମ୍ପର୍ଣ୍ଣ କରିବା କଥା । ଭୟର କିଛି ମାନେ ନାହିଁ ।”
