ସିରିଜ୍ ଦୁର୍ଘଟଣା: ହାଇଓ୍ବା ଚାଳକ ମୃତ

କୋଇଡା: ସୁନ୍ଦରଗଡ଼ ଜିଲ୍ଲା କୋଇଡା ଥାନା ଅନ୍ତର୍ଗତ ୫୨୦ ଜାତୀୟ ରାଜପଥ ରେଙ୍ଗାଲବେଢ଼ା ନିକଟରେ ଶନିବାର ଏକ ସିରିଜ ଦୁର୍ଘଟଣାରେ ଏକ ହାଇଓ୍ବା ଚାଳକର ଶୋଚନୀୟ ମୃତ୍ୟୁ ହୋଇଥିବା ବେଳେ ୨ ଜଣ ଗୁରୁତର ଭାବେ ଆହତ ହୋଇଥିବା ସୂଚନା ମିଳିଛି।
ସୂଚନାଯୋଗ୍ୟ ଯେ ପ୍ରଥମେ ଏକ ଲୁହାପଥର ବୋଝେଇ ହାଇୱା ୫୨୦ ଜାତୀୟ ରାଜପଥ ଉପରେ ଯାଉଥିବା ବେଳେ ହଠାତ୍ ବ୍ରେକ୍ ମାରି ଠିଆ ହୋଇଯିବାରୁ ପଛ ପାର୍ଶ୍ୱରୁ ଆସୁଥିବା ଆଉ ଏକ ହାଇୱା ତାକୁ ପଛପଟରୁ ଜୋରରେ ଧକ୍କା ଦେଇଥିଲା। ଫଳରେ ପଛ ପାର୍ଶ୍ଵରୁ ଧକ୍କା ଦେଇଥିବା ହାଇଓ୍ବା ଚଳକଙ୍କର ଘଟଣା ସ୍ଥଳରେ ମୃତ୍ୟୁ ହୋଇଥିବା ବେଳେ ଅନ୍ୟ ହାଇୱାଟି ଭାରସାମ୍ୟ ହରାଇ ଆଉ ଗୋଟିଏ ଟ୍ରକ୍କୁ ଧକ୍କା ଦେଇଥିଲା ଫଳରେ ଦୁଇ ଗାଡ଼ିର ଦୁଇ ଚାଳକ ଗୁରୁତର ଆହତ ହୋଇଥିବା ପୁଲିସ୍ ସୂଚନା ମିଳିଛି। ମୃତ ଚାଳକ ହେଉଛନ୍ତି ଶିବୁ ମହାରଣା (୪୦)। ମୃତ ଚାଳକଙ୍କ ଘର କେନ୍ଦୁଝର ଜିଲ୍ଲାର ହରିଚନ୍ଦନପୁରରେ ବୋଲି ଜଣାପଡିଛି। ଘଟଣା ସ୍ଥଳରେ କୋଇଡା ପୁଲିସ ପହଁଞ୍ଚି ଶବକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଥିବା ବେଳେ ଦୁର୍ଘଟଣାଗ୍ରସ୍ତ ହାଇଓ୍ବାଗୁଡିକୁ ମଧ୍ୟ ଜବତ କରିଥିବା ଜଣାପଡ଼ିଛି।