‘ଆପଣଙ୍କ ଉପରେ ସଙ୍କଟର ବୋଝ ପଡିବାକୁ ଦେବୁନି’

ନୂଆଦିଲ୍ଲୀ: ଆମେରିକା ଏବଂ ଇସ୍ରାଏଲ ଯେତେବେଳେ ଇରାନ ଉପରେ ଆକ୍ରମଣ କରିଥିଲେ, କେହି ଭାବି ନଥିଲେ ଯେ ଏହା ଏକ ବିଶ୍ୱ ସଙ୍କଟରେ ପରିଣତ ହେବ। ବିଶ୍ୱର ବିଭିନ୍ନ ସ୍ଥାନରେ ତୈଳ ଏବଂ ଗ୍ୟାସ ଯୋଗାଣ ଗୁରୁତର ଭାବରେ ବାଧାପ୍ରାପ୍ତ ହୋଇଛି। ଫଳସ୍ୱରୂପ, ଅନେକ ଦେଶ ବିକଳ୍ପ ଶକ୍ତି ଉତ୍ସ ଖୋଜୁଛନ୍ତି। ଏହି ସଙ୍କଟ ମଧ୍ୟରେ, ଜାତୀୟ ରାଜଧାନୀ ଦିଲ୍ଲୀକୁ ଲାଗିଥିବା ଉତ୍ତର ପ୍ରଦେଶର ନୋଏଡାରେ ଜେୱାର ବିମାନବନ୍ଦରର ଉଦଘାଟନ ଅବସରରେ, ପ୍ରଧାନମନ୍ତ୍ରୀ ମୋଦି କହିଛନ୍ତି ଯେ ତାଙ୍କ ସରକାର ଏହି ସଙ୍କଟର ବୋଝ ସାଧାରଣ ଲୋକଙ୍କ ଉପରେ ପକାଇବାକୁ ଚାହାଁନ୍ତି ନାହିଁ। ଇରାନ ଯୁଦ୍ଧ ପରେ ଏନର୍ଜି କରିଡର ନାମରେ ପରିଚିତ ହର୍ମୁଜକୁ ବନ୍ଦ କରିଦେଇଥିଲା ଇରାନ। ଏନର୍ଜି କ୍ରାଇସିସର ସ୍ଥିତି ସୃଷ୍ଟି ହୋଇଥିଲା। ପାକିସ୍ତାନ ସହିତ ବହୁ ଦେଶରେ ପେଟ୍ରୋଲ-ଡିଲେଜ ସହିତ ଗ୍ୟାସ୍ ଦାମ୍ ମଧ୍ୟ ବଢାଇ ଦିଆଯାଇଥିଲା। ସେଭଳି ଭାରତ ମଧ୍ୟ ଏଭଳି କୌଣସି ପଦକ୍ଷେପ ଗ୍ରହଣ କରିନାହିଁ।

ଜେୱାର ବିମାନବନ୍ଦରର ଉଦଘାଟନ ଅବସରରେ ପ୍ରଧାନମନ୍ତ୍ରୀ ମୋଦି କହିଥିଲେ,ଏହି ସଙ୍କଟ ସମୟରେ ମଧ୍ୟ ଭାରତ ଏହାର ବିକାଶ ଜାରି ରଖିଛି। ଏହି ସମୟରେ ଆମକୁ ଏକତାରେ ରହିବାକୁ ପଡିବ। ଏହା ଉଲ୍ଲେଖନୀୟ ଯେ ଇରାନ ଯୁଦ୍ଧ ଯୋଗୁଁ, ହର୍ମୁଜ୍ ପ୍ରଣାଳୀ ଦେଇ ପରିବହନ ଯଥେଷ୍ଟ ହ୍ରାସ ପାଇଛି। ଏହା ଭାରତକୁ ତେଲ ଏବଂ ଗ୍ୟାସ ଟ୍ୟାଙ୍କରର ଚଳାଚଳକୁ ମଧ୍ୟ ପ୍ରଭାବିତ କରିଛି। ତଥାପି, କିଛି ଜାହାଜ ଏବେ ବି ଇନ୍ଧନ ଏବଂ ଗ୍ୟାସ ସହିତ ପହଞ୍ଚୁଛି। ଏହି ସମୟରେ, ଆର୍ଜେଣ୍ଟିନା ଏବଂ ରୁଷରୁ ମଧ୍ୟ ତେଲ ଏବଂ ଗ୍ୟାସ ଆମଦାନୀ କରାଯାଉଛି। ଏହା ଦ୍ବାରା ଭାରତର ଲକ୍ଷ ଲକ୍ଷ ଲକ୍ଷ ନାଗରିକଙ୍କ ଉପରେ କୌଣସି ପ୍ରକାର ପ୍ରଭାବ ପଡିନାହିଁ। ଏବେ ପିଏମ୍ ମୋଦି ନୋଏଡାରୁ ଦେଶର ଜନତାଙ୍କୁ ସମ୍ବୋଧିତ କରି ଆଶ୍ବସ୍ତ କରିଛନ୍ତି ଓ୍ବେଷ୍ଟ ଏସିଆ କ୍ରାଇସିସ୍ ବୋଝ ଜନତା ଉପରେ ପକାଇ ହେବନି।

ଭାରତ ନିଜର ଦଶକ ପୁରୁଣା ମିତ୍ର ଦେଶ ରୁଷରୁ ଏଲଏନ୍ଜି ଓ ଏଲପିଜି ସପ୍ଳାଇ ବଢାଇବାକୁ ନେଇ ଆଲୋଚନା କରୁଛି। ରିପୋର୍ଟ ଅନୁସାରେ, ଭାରତ ଓ ରୁଷ ଏଲ୍ଏନ୍ଜି ଯୋଗାଣ ବଢାଇବାକୁ ପ୍ରସ୍ତୁତ। ଏଭଳି ସ୍ଥିତିରେ ସବୁ ସଙ୍କଟ ପରେ ବି ଭାରତର ଘରେ ଘରେ ଚୁଲି ଜଳିବ। ରୁଷର ନ୍ୟୁଜ ଏଜେନ୍ସି ଟିଏଏସ୍ଏସ୍ ସୁତ୍ରରୁ ଏହି ଖବର ଦିଆଯାଇଛି ଯେ, ନୂଆଦିଲ୍ଲୀ ଓ ମସ୍କୋ ଏଲ୍ଏନ୍ଜି ସପ୍ଲାଇ ବଢାଇବାକୁ ପ୍ରସ୍ତୁତ। ରିପୋର୍ଟ ଅନୁସାରେ, ଶକ୍ତି ସୁରକ୍ଷାକୁ ମଜବୁତ କରିବା ଦିଗରେ ଭାରତ ଓ ରୁଷ ଭିତରେ ଏଲଏନଜି ଓ ଏଲପିଜି ଯୋଗାଣ ବଢାଇବା ନେଇ ଆଲୋଚନା ଚାଲିଛି। ଏହାପରେ ରୁଷ ଓ ଆର୍ଜେଣ୍ଟିନା ଏଲ୍ଏନଜି ସପ୍ଲାଇକୁ ବଢାଇବା ନେଇ ତତ୍ପରତା ଦେଖାଇଛନ୍ତି।