Garvita Odia
ଭୁବନେଶ୍ୱର: କଟକ ବଡ଼ ମେଡିକାଲରେ ଅଗ୍ନିକାଣ୍ଡ ଘଟଣାରେ ମଙ୍ଗଳବାର ବିଜେଡି ସଭାପତି ତଥା ବିରୋଧୀ ଦଳ ନେତା ନବୀନ ପଟ୍ଟନାୟକ ବିଧାନସଭାରେ ସ୍ୱାସ୍ଥ୍ୟମନ୍ତ୍ରୀ ମୁକେଶ ମହାଲିଙ୍ଗଙ୍କ ଇସ୍ତଫା ଦାବି କରିଥିଲେ । ତେବେ ଆଜି ଅର୍ଥାତ ବୁଧବାର ପୁଣି ନବୀନ ସ୍ୱାସ୍ଥ୍ୟମନ୍ତ୍ରୀଙ୍କ ଇସ୍ତଫା ଦାବି କରିଛନ୍ତି ।
ନବୀନ କହିଛନ୍ତି ଯେ ଏହି ଘଟଣାରେ ୧୨ ଜଣଙ୍କ ମୃତୁ୍ୟ ହୋଇଛି । ସ୍ୱାସ୍ଥ୍ୟମନ୍ତ୍ରୀ ଉତ୍ତରଦାୟୀ ହୁଅନ୍ତୁ । ରାଜ୍ୟ ସରକାର ସ୍ୱାସ୍ଥ୍ୟ ଭିତ୍ତିଭୂମି ସୁଦୃଢ ଉପରେ ଗୁରୁତ୍ୱ ଦିଅନ୍ତୁ । ଏସସିବି ଘଟଣା ଏକ ବଡ଼ ଟ୍ରାଜେଡି ବୋଲି ନବୀନ କହିଛନ୍ତି ।
ଗତକାଲି ନବୀନ କହିଥିଲେ ଯେ ତାଙ୍କ ସରକାର ଥିବା ବେଳେ ଏକ ଘରୋଇ ହସ୍ପିଟାଲରେ ଏଭଳି ଘଟଣା ଘଟିଥିଲା। ସେଥିପାଇଁ ସେତେବେଳର ସ୍ୱାସ୍ଥ୍ୟ ମନ୍ତ୍ରୀ ଇସ୍ତଫା ଦେଇଥିଲେ। ତେଣୁ ବର୍ତ୍ତମାନର ସ୍ୱାସ୍ଥ୍ୟ ମନ୍ତ୍ରୀଙ୍କ ମଧ୍ୟ ଦେବା ଉଚିତ୍। ଏହା ସହିତ ପ୍ରତି ମୃତକଙ୍କ ପରିବାରକୁ ୫୦ ଲକ୍ଷ ଟଙ୍କା ଲେଖାଏ ସହାୟତା ପ୍ରଦାନ କରାଯାଉ।
