ବିଜେଡି ହାତରୁ ଖସିଲା ଆଉ ଏକ ପଞ୍ଚାୟତ ସମିତି ଇସ୍ତଫା ଦେଲେ ଧର୍ମଶାଳା ପଞ୍ଚାୟତ ସମିତି ଅଧ୍ୟକ୍ଷ

ଧର୍ମଶାଳା, ୨୧/୦୮: ଅନାସ୍ଥା ପ୍ରସ୍ତାବ ଭୋଟ ପୂର୍ବରୁ ଇସ୍ତଫା ଦେଇଛନ୍ତି ଧର୍ମଶାଳା ପଞ୍ଚାୟତ ସମିତି ଅଧ୍ୟକ୍ଷ ପ୍ରଭାତ କୁମାର ବଳବନ୍ତରାୟ। ଆସନ୍ତା ୨୨ ତାରିଖରେ ଭୋଟ ଗ୍ରହଣ କରାଯିବାକୁ ନୋଟିସ ହୋଇଥିଲା। ଦୁଇ ଦିନ ବାକି ଥିବା ବେଳେ ଶ୍ରୀ ବଳବନ୍ତରାୟ ପଦ ଛାଡ଼ିବା ଚର୍ଚ୍ଚାର ବିଷୟ ହୋଇଛି। ଦୁଇ ଥର ବିଜେଡି ସମର୍ଥନରେ ସମିତି ଅଧ୍ୟକ୍ଷ ଭାବରେ କାର୍ଯ୍ୟ କରୁଥିବା ପ୍ରଭାତ ଅଗତ୍ୟା ହାରିବା ଭୟରେ ଅଧ୍ୟକ୍ଷ ପଦ ଛାଡ଼ିଥିବା କୁହାଯାଉଛି। ସମିତିର ୩୮ ସଦସ୍ୟ ଅନାସ୍ଥା ଆଣିଥିବା ବେଳେ ଆବଶ୍ୟକ ସଂଖ୍ୟକ ସଦସ୍ୟ ବିଜେପି ଶିବିରରେ ଯୋଗ ଦେଇଥିବା ସୂଚନା ମିଳିଥିଲା। ଅନାସ୍ଥାରେ ହାରିବା ଏକ ପ୍ରକାର ନିଶ୍ଚିତ ଜାଣି ହାତ ଟେକି ଦେଇଛନ୍ତି ବିଜେଡି ନେତା। ଭାଇ ପ୍ରଭାତଙ୍କୁ ପୂର୍ବତନ ବିଧାୟକ ପ୍ରଣବ ବଳବନ୍ତରାୟ ସୁରକ୍ଷା ଦେବାରେ ବିଫଳ ହେବା ପରେ ବିଚାରବିମର୍ଶ କରି ସେ ଇସ୍ତଫା ଦେଇଥିବା ଏହି ସୂତ୍ରରୁ ପ୍ରକାଶ। ଏହାସହ ବିଜେଡି ହାତରୁ ଆଉ ଏକ ପଞ୍ଚାୟତ ସମିତି ଖସିଯାଇଛି।
ସୂଚନା ଅନୁଯାୟୀ। ଗତ ୧୧ ତାରିଖରେ ଧର୍ମଶାଳା ପଞ୍ଚାୟତ ସମିତିର ୩୮ ସରପଞ୍ଚ ଓ ସମିତିସଭ୍ୟ ଉପଜିଲାପାଳଙ୍କ ନିକଟରେ ଅନାସ୍ଥା ଆଗତ କରିଥିଲେ। ପ୍ରକ୍ରିୟା ଆରମ୍ଭ ହେବା ପରେ ସମସ୍ତଙ୍କ ଦସ୍ତଖତ ଯାଞ୍ଚ ପ୍ରକ୍ରିୟା କରାଯାଇ ୨୨ ତାରିଖ ଭୋଟିଂ ପାଇଁ ତାରିଖ ଧାର୍ଯ୍ୟ ହୋଇଥିଲା। ବିଧାୟକ ହିମାଂଶୁ ଶେଖର ସାହୁ ନିଜେ ପ୍ରଚ୍ଛଦ ପଟରେ ରହି ଅନାସ୍ଥାର ନେତୃତ୍ୱ ନେଇ ଧର୍ମଶାଳାରୁ ବିଜେଡି ସହିତ ବଂଶବାଦ ଶାସନର ଅନ୍ତ ଘଟାଇଥିବା ଚର୍ଚ୍ଚା ହେଉଛି। ଧର୍ମଶାଳାରେ ହିମାଂଶୁ ଶେଖର ସାହୁ ବିଧାୟକ ରହିଛନ୍ତି। ଧର୍ମଶାଳା ବ୍ଲକରେ ୪୫ ପଞ୍ଚାୟତ ରହିଥିବା ବେଳେ ସେଥିରେ ୯୦ ଜଣ ସରପଞ୍ଚ ଓ ସମିତି ସଭ୍ୟଙ୍କ ମଧ୍ୟରୁ ଜେନାପୁର ଓ ଚୋର ମୁହାଁ ପଞ୍ଚାୟତର ସରପଞ୍ଚ ମୃତ୍ୟୁ ହୋଇଥିବାରୁ ଏବେ ୮୮ ଜଣ ଅଛନ୍ତି। ଦୁଇ ତୃତୀୟାଂଶ ସଦସ୍ୟ ଅନାସ୍ଥା ସପକ୍ଷରେ ରହିଥିବାରୁ ପ୍ରଭାତଙ୍କ ହାରିବା ଏକ ପ୍ରକାର ଥୟ ଜଣା ପଡୁଥିଲା। ଇସ୍ତଫା ପରେ ପ୍ରଭାତ ବଳବନ୍ତରାୟ ନିଜ ସାମାଜିକ ଗଣ ମାଧ୍ୟମରେ ପ୍ରତିକ୍ରିୟା ରଖି କହିଛନ୍ତି ଯେ ଧର୍ମଶାଳାରେ ସରକାର ପରିବର୍ତ୍ତନ ପରେ ବିକାଶ ତ ଦୂରର କଥା ପିଆରଆଇ ମେମ୍ବରମାନେ ସୁରକ୍ଷିତ ନୁହଁନ୍ତି। ଏପରି ସ୍ଥଳେ ମୁଁ ସେମାନଙ୍କୁ ଅସୁବିଧାରେ ପକାଇବାକୁ ଚାହିଁବି ନାହିଁ। ଗୁଣ୍ଡାରାଜ ଓ ଲୁଟ୍‌ତରାଜ ଯେଭଳି ଭାବେ ଚାଲିଛି ସେଥିପାଇଁ ମୁଁ ଇସ୍ତଫା ଦେଇଛି। ଅଧ୍ୟକ୍ଷଙ୍କ ଇସ୍ତଫା ବିଜେଡି ପାଇଁ ଏକ ଶକ୍ତ ଧକ୍କା ଏବଂ ଏହା ହିମାଂଶୁଙ୍କ ଏକ ବଡ଼ ବିଜୟ ବୋଲି ରାଜନୈତିକ ସମୀକ୍ଷକମାନେ କହୁଛନ୍ତି

  • Related Posts

    ବିଜୁ ପଟ୍ଟନାୟକ କ୍ରୀଡ଼ା : ଶ୍ରେଷ୍ଠ କ୍ରୀଡା ସାମ୍ବାଦିକଙ୍କୁ ୨ ଲକ୍ଷ ଟଙ୍କା ପୁରସ୍କାର

    ଭୁବନେଶ୍ବର, 29।08: ୨୯ ଅଗଷ୍ଟ ଜାତୀୟ କ୍ରୀଡ଼ା ଦିବସ ଅବସରରେ ୨୦୨୪ ବର୍ଷ ପାଇଁ ବିଜୁ ପଟ୍ଟନାୟକ କ୍ରୀଡ଼ା ପୁରସ୍କାର ପ୍ରଦାନ କରାଯାଇଛି। ରାଜ୍ୟପାଳ ହରିବାବୁ କମ୍ଭମପତି ମୁଖ୍ୟ ଅତିଥି ଭାବେ ଯୋଗ ଦେଇ ପୁରସ୍କାର ପ୍ରଦାନ କରିଛନ୍ତି। ୧୦୦ ଓ…

    Continue reading
    ପୁଲିସ ଇନଫର୍ମର ସନ୍ଦେହରେ ଯୁବକକୁ ନିର୍ମମ ଭାବେ ହତ୍ୟା କଲେ ନକ୍ସଲ

    ମାଲକାନଗିରି,29/08: ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡରେ ପୁଣି ନକ୍ସଲ ହିଂସା ଦେଖିବାକୁ ମିଳିଛି। ରକ୍ତମୁଖା ନକ୍ସଲ ପୁଣି ଜଣେ ଆଦିବାସୀ ଯୁବକକୁ ଅତି ନିର୍ମମ ଭାବେ ହତ୍ୟା କରିଛନ୍ତି। ଘଟଣା ଅନୁଯାୟୀ ବିଜାପୁର ଥାନା ଅନ୍ତର୍ଗତ ମାନକେଲି ଗ୍ରାମରେ ଗତକାଲି ରାତିରେ…

    Continue reading

    Leave a Reply

    Your email address will not be published. Required fields are marked *

    You Missed

    ବିଶ୍ୱ ବ୍ୟାଡମିଂଟନ ଚାମ୍ପିୟନଶିପରେ ପିଭି ସାନ୍ଧୁ଼ଙ୍କ ଅଭିଯାନ ଶେଷ

    ଏସିଆ କପ୍ ହକି ବିଜୟରୁ ଭାରତର ଅଭିଯାନ ଆରମ୍ଭ

    ଜାମନଗରର ଧୀରୁଭାଇ ଅମ୍ବାନୀ ଗିଗା ଏନର୍ଜି କମ୍ପ୍ଲେକ୍ସ ଟେସଲାର ଗିଗାଫ୍ୟାକ୍ଟ୍ରି ଅପେକ୍ଷା ଚାରି ଗୁଣ ବଡ଼

    ଇସ୍ରାଏଲ ସହ ସଂପର୍କ ଛିନ୍ନ କଲା ତୁର୍କୀ

    ବିଜୁ ପଟ୍ଟନାୟକ କ୍ରୀଡ଼ା : ଶ୍ରେଷ୍ଠ କ୍ରୀଡା ସାମ୍ବାଦିକଙ୍କୁ ୨ ଲକ୍ଷ ଟଙ୍କା ପୁରସ୍କାର

    ପୁଲିସ ଇନଫର୍ମର ସନ୍ଦେହରେ ଯୁବକକୁ ନିର୍ମମ ଭାବେ ହତ୍ୟା କଲେ ନକ୍ସଲ