ଯୁବତୀଙ୍କୁ ଗଣଦୁଷ୍କର୍ମ, ୨ ଅଟକ

ରାଇରଙ୍ଗପୁର: ମୟୂରଭଞ୍ଜ ଜିଲ୍ଲା ଉଦଳା ଥାନା ଅଞ୍ଚଳରେ ଚାଞ୍ଚଲ୍ୟ । ଜଣେ ଯୁବତୀଙ୍କୁ ଚାକିରି କରାଇ ଦେବାକୁ କହି ଘରୁ ଡାକି ଆଣି ଗଣଦୁଷ୍କର୍ମ ହୋଇଥିବା ଅଭିଯୋଗ ହୋଇଛି । ଗତକାଲି(ଶନିବାର) ଉଦଳା-ବାଲେଶ୍ୱର ରାଜ୍ୟ ରାଜପଥରେ ଏକ ମାରୁତି ଓମିନି ଗାଡିରେ ଯୁବତୀଙ୍କୁ ଗଣଦୁଷ୍କର୍ମ ହୋଇଥିବା ଅଭିଯୋଗ ହୋଇଛି । ଏଥିରେ ୫ ଯୁବକ ସଂଶ୍ଲିଷ୍ଟ ଥିବା ବେଳେ ୨ ଜଣଙ୍କୁ ଅଟକ ରଖି ତଦନ୍ତ ଜାରି ରହିଥିବା ଉଦଳା ଏସଡିପିଓ ହୃଷିକେଶ ନାଏକ ସୂଚନା ଦେଇଛନ୍ତି ।ମୟୂରଭଞ୍ଜ ଜିଲ୍ଲା ବାଙ୍ଗିରିପୋଷି ଥାନା ଅଞ୍ଚଳର ଜଣେ ଯୁବତୀ ତାଙ୍କ ଚିହ୍ନା ପରିଚିତ ଉଦଳା ଅଞ୍ଚଳର ଯୁବକଙ୍କୁ ଚାକିରି ପାଇଁ କହିଥିଲେ । ଯୁବକ ଜଣକ ଏକ କମ୍ପାନୀରେ ଚାକିରି କରାଇ ଦେବାକୁ ପ୍ରତିଶ୍ରୁତି ଦେଇଥିଲେ । ଏହା ପରେ ଗତକାଲି(ଶନିବାର) ଯୁବକ ଜଣଙ୍କ ଅନ୍ୟ ଜଣେ ଯୁବକ ସହ ମିଶି ଏକ ମାରୁତି ଓମିନି ଗାଡିରେ ପୀଡିତାଙ୍କ ଘରେ ପହଞ୍ଚିଥିଲେ । ସେଠାରୁ ଯୁବତୀଙ୍କୁ ସାଙ୍ଗରେ ନେଇ ଚାକିରି କରାଇଦେବାକୁ କହି ବାହାରି ଥିଲେ। ରାସ୍ତାରେ ଗାଡିରେ ଚଢିଥିଲେ ଆଉ ୩ ଯୁବକ । ଏହା ପରେ ସେମାନେ ବାଙ୍ଗିରିପୋଷିଠୁ ୮୦ କିଲୋମିଟର ଦୂର ଗଲାପରେ ଉଦଳା-ବାଲେଶ୍ୱର ରାଜ୍ୟ ରାଜପଥ କଡରେ ଏକ ନିଛାଟିଆ ସ୍ଥାନରେ ଗାଡିକୁ ଛିଡା କରି ଯୁବତୀଙ୍କୁ ୫ ଜଣ ଗଣଦୁଷ୍କର୍ମ କରିଥିବା ଥାନାରେ ଅଭିଯୋଗ କରିଛନ୍ତି ପୀଡିତା ।ତେବେ ପୀଡିତାଙ୍କ ପାଟି ଶୁଣି ଭୟରେ ଯୁବତୀଙ୍କୁ ଗାଡିରୁ ଠେଲି ଦେଇ ଗାଡିରେ ଫେରାର ହୋଇଯାଇଥିଲେ । ଏହା ପରେ ସ୍ଥାନୀୟ ଅଞ୍ଚଳର କିଛି ଲୋକେ ଯୁବତୀଙ୍କୁ ଉଦ୍ଧାର କରିଥିଲେ । ଏହା ପରେ ପୀଡିତା ଘରକୁ ଯାଇ ପରିବାର ଲୋକଙ୍କୁ ଜଣାଇବା ପରେ ଉଦଳା ଥାନାରେ ଅଭିଯୋଗ କରିଥିଲେ । ଉଦଳା ପୋଲିସ କେସ ନମ୍ବର-୩୫୬ରେ ମାମଲା ରୁଜୁ କରି ତଦନ୍ତ କରୁଛି ।ଉଦଳା ପୋଲିସ ମାମଲା ରୁଜୁ କରି ଏହି ଗଣଦୁଷ୍କର୍ମ ଘଟଣାରେ ୨ ଜଣଙ୍କୁ ଅଟକ ରଖିଛି । ଏନେଇ ଉଦଳା ଏସଡିପିଓ ହୃଷିକେଶ ନାୟକ କହିଛନ୍ତି, ‘ପୀଡିତାଙ୍କ ଏତଲାକୁ ଆଧାର କରି ଉଦଳା ଥାନାରେ କେସ ନମ୍ବର-୩୫୬ରେ ମାମଲା ରୁଜୁ କରାଯାଇଛି । ୫ ଜଣଙ୍କ ନାଁରେ ମାମଲା ରୁଜୁ ହୋଇଛି । ବର୍ତ୍ତମାନ ୨ ଜଣଙ୍କୁ ଅଟକ ରଖାଯାଇଛି । ମାମଲାର ତଦନ୍ତ ଜାରି ରହିଛି ।

  • Related Posts

    କଲରାପତରିଆ ବାଘ ଛାଲ ଜବତ, ୭ ଅଟକ

    ଭଞ୍ଜନଗର : ଗଞ୍ଜାମ ଜିଲ୍ଲା ଭଞ୍ଜନଗର ଉତ୍ତର ଘୁମୁସର ବନଖଣ୍ଡ ଅଧିକାରୀଙ୍କୁ ରବିବାର ସକାଳେ ଏକ ବଡ଼ ସଫଳତା ମିଳିଛି । ଜଗନ୍ନାଥ ପ୍ରସାଦ ରେଞ୍ଜ ପଥରା ପଲ୍ଲୀ ଗ୍ରାମରୁ ଛାଲ ଜବତ ହୋଇଛି । ବିଭାଗୀୟ କର୍ମଚାରୀ ମାନେ ଗୋଟିଏ…

    Continue reading
    ଟ୍ରେନ୍‌ ଲାଇନ୍‌ରେ ପଡିଛି ବ୍ଲଗରଙ୍କ ମୃତଦେହ

    ଭୁବନେଶ୍ୱର : ଟ୍ରେନ୍‌ ଲାଇନ୍‌ରେ ପଡିଛି ବ୍ଲଗରଙ୍କ ମୃତଦେହ । ଭୁବନେଶ୍ୱର ପଲାଶପଲ୍ଲୀ ରେଳଲାଇନ୍‌ରେ ପଡିଛି ବ୍ଲଗରଙ୍କ ମୃତଦେହ । ଏହାସହ ରେଳ ଲାଇନ୍‌ ଉପରେ ଥିବା ବ୍ରିଜ୍‌ରେ ବ୍ଲଗରଙ୍କ ବାଇକ୍‌ ରହିଛି । ଘଟଣା ସଂପର୍କରେ ଖବର ପାଇ ଜିଆରପି…

    Continue reading

    Leave a Reply

    Your email address will not be published. Required fields are marked *

    You Missed

    ୨୦୨୬ ଏପ୍ରିଲ ସୁଦ୍ଧା ରାଜ୍ୟର ସମସ୍ତ ପୌରାଞ୍ଚଳକୁ ଗର୍ତ୍ତମୁକ୍ତ ହେବ : ମୁଖ୍ୟମନ୍ତ୍ରୀ

    ୧୨୫ତମ ‘ମନ୍ କି ବାତ୍‌’ କାର୍ଯ୍ୟକ୍ରମରେ ଓଡ଼ିଆ ଝିଅ ରଶ୍ମିତାଙ୍କ ସଫଳତା କଥା କହିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଜୀଙ୍କ

    Fertilizer supply situation in Kharif 2025 accelerated

    ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶକ୍ରମେ ଖରିଫ ୨୦୨୫ରେ ସାର ଯୋଗାଣ ସ୍ଥିତି ତ୍ୱରାନ୍ୱିତ

    ମଧୁମେହ ରୋଗର ମୁକାବିଲା ପାଇଁ ସାମୁହିକ ସଚେତନତା ଏକାନ୍ତ ଆବଶ୍ୟକ: ରାଜ୍ୟପାଳ

    Audio and Chroma Recording Studio Inaugurated at Utkal Sangeet Mahavidyalaya