ସମନ୍ୱିତ ବାୟୁ ପ୍ରତିରକ୍ଷା ଅସ୍ତ୍ର ପ୍ରଣାଳୀର ସଫଳ ପରୀକ୍ଷଣ

ବାଲେଶ୍ବର: ଓଡିଶା ଉପକୂଳରୁ ସମନ୍ୱିତ ବାୟୁ ପ୍ରତିରକ୍ଷା ଅସ୍ତ୍ର ପ୍ରଣାଳୀ ବା Integrated Air Defence Weapon System (IADWS)ର ସଫଳ ପରୀକ୍ଷଣ ହୋଇଛି । ପ୍ରତିରକ୍ଷା ଗବେଷଣା ଏବଂ ବିକାଶ ସଂଗଠନ ବା DRDO ପ୍ରଥମଥର ପାଇଁ ଏହି ବାୟୁ ପ୍ରତିରକ୍ଷା ଅସ୍ତ୍ରର ପରୀକ୍ଷଣ ଶନିବାର କରିଥିଲା । ଏହି ସଫଳତାକୁ ସମଗ୍ର ଦେଶର ସୁରକ୍ଷା ଦିଗରେ ଏକ ବଡ଼ ଉପଲବ୍ଧି ଭାବେ ଅଭିହିତ କରାଯାଇପାରିବ ।ଏହି ପ୍ରତିରକ୍ଷା ଅସ୍ତ୍ର ପ୍ରଣାଳୀକୁ ପ୍ରତିରକ୍ଷା ଗବେଷଣା ଏବଂ ବିକାଶ ସଂଗଠନ ବା DRDO ନିର୍ମାଣ କରିଛି । ଏହି ସ୍ବଦେଶୀ ଜ୍ଞାନକୌଶଳରେ ନିର୍ମିତ ସମନ୍ୱିତ ବାୟୁ ପ୍ରତିରକ୍ଷା ଅସ୍ତ୍ର ପ୍ରଣାଳୀ ବା IADWSର ସଫଳ ପରୀକ୍ଷଣ ଶନିବାର ମଧ୍ୟାହ୍ଣ 12ଟା ସମୟରେ କରାଯାଇଥିଲା । ଏସଂକ୍ରାନ୍ତରେ DRDO ନିଜର X ହ୍ୟାଣ୍ଡେଲରେ ସୂଚନା ଦେଇଛି ।DRDO କହିଛି, IADWS ଅସ୍ତ୍ର ପ୍ରଣାଳୀର ଏକ ବହୁସ୍ତରୀୟ ବାୟୁ ପ୍ରତିରକ୍ଷା ଅସ୍ତ୍ର ପ୍ରଣାଳୀ ଅଟେ । ଏହି ଅସ୍ତ୍ର ପ୍ରଣାଳୀରେ ଭୂମିପୃଷ୍ଠରୁ ଆକାଶକୁ ନିକ୍ଷେପ କରାଯାଉଥିବା କ୍ଷେପଣାସ୍ତ୍ର(surface-to-air missiles), ଅତି କମ ଦୂରଗାମୀ ବାୟୁ କ୍ଷେପଣାସ୍ତ୍ର(very short range air defence system missiles) ଏବଂ ଏକ ଉଚ୍ଚ କ୍ଷମତା ବିଶିଷ୍ଟ ଲେଜର ଆଧାରିତ ଶକ୍ତି ଉତ୍ସ ଆଦି ରହିଛି ।