ସାମ୍ନାକୁ ଆସିଲା ପୁଣି ବଧୂ ହତ୍ୟା ଅଭିଯୋଗ

ଭୁବନେଶ୍ୱର : ସାମ୍ନାକୁ ଆସିଲା ପୁଣି ବଧୂ ହତ୍ୟା ଅଭିଯୋଗ । ଭୁବନେଶ୍ୱର ମଞ୍ଚେଶ୍ୱର ଥାନା ଅଧିନ ଧୀରୁକୁଟୀ ବସ୍ତିରେ ଜଣେ ନବବିବାହିତଙ୍କୁ ହତ୍ୟା କରିଥିବା ଅଭିଯୋଗ ଆସିଛି । ଝିଅଙ୍କୁ ଶାଶୁଘର ଲୋକେ ମାରି ଦେଇଥିବା ଅଭିଯୋଗ ଆଣିଛନ୍ତି ପରିବାର ଲୋକେ ।

ଖବର ଅନୁଯାୟୀ, ଅନ୍ଧାରୁଆ ଅଞ୍ଚଳର ତୁପ୍ତିମାଲା ନାୟକ ନାମକ ଜଣେ ମହିଳା ୭ ମାସ ତଳେ ଧୀରୁକୁଟ ବସ୍ତିର ବିକ୍ରମ ନାୟକଙ୍କୁ ବିବାହ କରିଥିଲେ । ତୁପ୍ତି ତାଙ୍କ ସ୍ୱାମୀଙ୍କ ସହିତ ଭୁବନେସ୍ୱର ଧୀରୁକୁଟ ବସ୍ତିରେ ଥିବା ଶାଶୁ ଘରେ ରହୁଥିଲେ । ହେଲେ ହଠାତ୍‌ ଶନିବାର ରାତିରେ ତୁପ୍ତିଙ୍କ ଘରକୁ ଫୋନ୍ କରି ଶାଶୁ ଘର କହିଥିଲେ କି ଆପଣଙ୍କ ଝିଅ ରଶି ଲଗାଇ ଦେଇଛି । କୌଣସି କାରଣ ନଥାଇ ତୃପ୍ତି କାହିଁକି ଆତ୍ମହତ୍ୟା କରିବେ ସନ୍ଦେହ କରି ପରିବା ଲୋକ ମଞ୍ଚେଶ୍ୱର ଥାନାରେ ଲିଖିତ ଅଭିଯୋଗ କରିଛନ୍ତି । ତାଙ୍କ ଝିଅଙ୍କୁ ହତ୍ୟା କରାଯାଇଥିବା ଅଭିଯୋଗ କରିଛନ୍ତି ପରିବାର ଲୋକେ । ସେପଟେ ପରିବାର ଲୋକଙ୍କ ଅଭିଯୋଗ ପରେ ମଞ୍ଚେଶ୍ୱର ଥାନା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।