Garvita Odia
ଭୁବନେଶ୍ୱର: ରାଜ୍ୟରେ ବିଜେପି ସରକାର ଆସିବା ପରେ ୧ ଲକ୍ଷ ୭୭ ହଜାର ୬୮ ଜଣ ମୃତ ହିତାଧିକାରୀ ଚିହ୍ନଟ ହୋଇଛନ୍ତି । ବୁଧବାର ବିଧାନସଭାରେ ଖାଦ୍ୟ ଯୋଗାଣ ମନ୍ତ୍ରୀ କୃଷ୍ଣ ଚନ୍ଦ୍ର ପାତ୍ର ଏନେଇ ଉତ୍ତର ରଖିଛନ୍ତି ।
ତାଙ୍କ ସୂଚନା ଅନୁଯାୟୀ ରାଜ୍ୟରେ ଗତ କିଛି ମାସ ହେଲା ଇ-କେୱାଇସି ପ୍ରକ୍ରିୟା ଜାରି ରହିଥିଲା । ଆଉ ଏହି ପ୍ରକ୍ରିୟାରୁ ମୃତ ହିତାଧିକାରୀ ଚିହ୍ନଟ ହୋଇଛନ୍ତି । ରାଜ୍ୟରେ ମୋଟ ୩ କୋଟି ୩୬ ଲକ୍ଷ ୩୫ ହଜାର ୯୧୮ ଜଣ ହିତାଧିକାରୀ ଅଛନ୍ତି । ଏଯାବତ ୨ କୋଟି ୨୯ ଲକ୍ଷ ୨୩ ହଜାର ୮୩୦ ଇ-କେୱାସି ଯାଞ୍ଚ ଶେଷ ହୋଇଛି । ୬ ଲକ୍ଷ ୧୯ ହଜାର ୮୩୬ ଜଣ ରାସନ କାର୍ଡ ପାଇଁ ଆବେଦନ କରିଛନ୍ତି ବୋଲି ମନ୍ତ୍ରୀ ଶ୍ରୀ ପାତ୍ର ବିଧାନସଭାରେ ଉତ୍ତର ରଖିଛନ୍ତି ।
