୨୧ଟି ନୂଆ ଏନଏସି ଘୋଷଣା ପାଇଁ ମୁଖ୍ୟମନ୍ତ୍ରୀଙ୍କ ଘୋଷଣା

ଭୁବନେଶ୍ୱର: ନୂଆ ସରକାରର ଫୋକସରେ ରହିଛି ସହରାଞ୍ଚଳ ବିକାଶ। ଏଥିପାଇଁ ନୂଆ ଏନଏସି ଗଠନକୁ ଜୋର ଦେଇଛନ୍ତି ସରକାର। ସ୍ବାଧୀନତା ଦିବସ ଅଭିଭାଷଣରେ ରାଜ୍ୟରେ ୨୧ଟି ନୂଆ ଏନଏସି ଗଠନ ନେଇ ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ମୋହନ ମାଝୀ । ସେହିଭଳି ନୂଆ ମ୍ୟୁନିସିପାଲଟି ମଧ୍ୟ ଗଠନ କରାଯିବ। ରାଜ୍ୟରେ ଏବେ ମାତ୍ର ୧୭% ସହରାଞ୍ଚଳ ରହିଛି । ନୂଆ ଏନଏସି ଗଠନ ଘୋଷଣା ପରେ ବିଭିନ୍ନ ଅଞ୍ଚଳରେ ଏବେ ଚର୍ଚ୍ଚା ବଢିଛି । କିଏ ନୂଆ ଏନଏସି ତାଲିକାରେ ରହିବ ତାହାକୁ ନେଇ ଦାବି ରଖିଥିବା ଅଞ୍ଚଳରେ ଉତ୍ସାହ ଦେଖିବାକୁ ମିଳିଛି ।

ପୂର୍ବ ବିଜେଡି ସରକାର ୫୭ଟି ନୂଆ ଏନଏସି ପାଇଁ ଘୋଷଣା କରିଥିଲେ। ୬ଟି ଏନଏସିକୁ ମ୍ୟୁନିସିପାଲିଟି କରିବାକୁ ହୋଇଥିଲା ଘୋଷଣା। ସରକାରୀ ସ୍ତରରେ ବିଧିବଦ୍ଧ ଭାବେ କୌଣସି ପ୍ରକ୍ରିୟା ଆରମ୍ଭ ହୋଇନଥିଲା। କେବଳ ଘୋଷଣାରେ ସୀମିତ ରହିଥିଲା ଏନଏସି ମାନ୍ୟତା। ନୂଆ ଏନଏସି ପାଇଁ ନୂଆ ସରକାର ଅଣ୍ଟା ଭିଡିଛନ୍ତି। ନଗର ଉନ୍ନୟନ ବିଭାଗର ତାଲିକାକୁ ପଞ୍ଚାୟତରାଜି ବିଭାଗର ବାଜିଛି ମୋହର ।
୨୧ଟି ନୂଆ ଏନଏସି ଘୋଷଣା ପାଇଁ ମୁଖ୍ୟମନ୍ତ୍ରୀଙ୍କ ଘୋଷଣା। ସହରାଞ୍ଚଳ ବିକାଶକୁ ଗୁରୁତ୍ବ । ଏବେ ରାଜ୍ୟରେ ୧୭% ସହରାଞ୍ଚଳ ରହିଛି ।