Garvita Odiaଭୁବନେଶ୍ୱର : ଡିସେମ୍ବର ୨୬କୁ ଅପେକ୍ଷା କରିଛନ୍ତି ବିଜେଡ଼ି ନେତା ଓ କର୍ମୀ । ଏବେ ଦଳ ଆଉ ସରକାରରେ ନାହିଁ । ସଂଗଠନ ବି ଧିମେଇଯାଇଛି । ରଣନୀତି ଏବେବି ଅସ୍ପଷ୍ଟ ରହିଛି । ତେବେ ଦଳର ପ୍ରତିଷ୍ଠା ଦିବସରେ ବିଜେଡ଼ି ସୁପ୍ରିମୋ ନବୀନ ପଟ୍ଟନାୟକ ସ୍ପଷ୍ଟ ବାର୍ତ୍ତା ଦେବେବୋଲି ଆଶା କରାଯାଉଛି ।
ଆଜି ୍ରତିଷ୍ଠା ଦିବସ ନେଇ ନବୀନ ଦଳର ସମସ୍ତ ବିଧାୟକ ଓ ପଦାଧିକାରୀମାନଙ୍କୁ ପତ୍ର ଲେଖିଛନ୍ତି । ଚିଠିରେ ଉଲ୍ଳେଖ ରହିଛିଯେ, ଦରଦାମ ବୃଦ୍ଧି, ମହିଳା ନିର୍ଯ୍ୟାତନା, ଯୁବଛାତ୍ରଙ୍କ ପ୍ରତି ବିମୁଖତା, ଆଦିବାସୀ, ଦଳିତ ଓ ପଛୁଆବର୍ଗ ପ୍ରତି ଅବିଚାର, ଆଇନଶୃଙ୍ଖଳାର ଅବନତି, ଆର୍ଥିକ କୁପରିଚାଳନା, ପୋଲାଭରମ ଓ ମହାନଦୀ ଆଦି ପ୍ରସଙ୍ଗରେ ବିଜେଡ଼ି ଲଢେ଼ଇ କରିଆସୁଛି । ବିଜେପି ସରକାର ବିରୋଧରେ ଥିବା ଜନକ୍ଷୋଭକୁ ବିଜେଡ଼ି ଉପସ୍ଥାନ କରୁଛି । ଆସନ୍ତା ୨୬ରେ ଶଙ୍ଖ ଭବନ ଓ ରାଜ୍ୟର ସବୁ ଜିଲ୍ଲା ଓ ବ୍ଳକରେ ବିଜେଡ଼ିର ପ୍ରତିଷ୍ଠା ଦିବସ ପାଳନ କରାଯିବ । ସେହିଦିନ ଆଗାମୀ ବର୍ଷର କାର୍ଯ୍ୟକ୍ରମ ସମ୍ପର୍କରେ ବି ନବୀନ ଘୋଷଣା କରିବେ ବୋଲି ସୂଚନା ଦେଇଛନ୍ତି ।
ପୁରୀରେ ଅନ୍ତର୍ଜାତୀୟ ବିମାନ ବନ୍ଦର ପରିବେଶଗତ ଅସନ୍ତୁଳନ, ଐତିହ୍ୟର ବିଲୁପ୍ତି ଓ ଆଧ୍ୟ୍ୟତ୍ମିକତାର ଧ୍ବଂସସାଧନ କରିବ: ଭକ୍ତ
Garvita Odia- April 4, 2026
ଭୁବନେଶ୍ବର,୦୪/୦୩/୨୦୨୬:ପୁରୀଠାରେ ପ୍ରସ୍ତାବିତ ଅର୍ନ୍ତଜାତୀୟ ବିମାନ ବନ୍ଦର ପାଇଁ କେନ୍ଦ୍ର ସରକାରଙ୍କର ମିଳିଥିବା ଷ୍ଟେଜ୍ -୧ ଅନୁମୋଦନକୁ ପ୍ରଦେଶ କଂଗ୍ରସ କମିଟି ସଭାପତି ଭକ୍ତ ଚରଣ ଦାସ ସମାଲୋଚନା କରିଛନ୍ତି। ବହୁଚର୍ଚ୍ଚିତ ପୁରୀ ଅନ୍ତର୍ଜାତୀୟ ଶ୍ରୀଜଗନ୍ନାଥ ବିମାନବନ୍ଦର ପାଇଁ ମିଳିଥିବା ଜଙ୍ଗଲ ଜମି…
