Garvita Odia
ନୂଆଦିଲ୍ଲୀ: ସଂସଦର ମୌସୁମୀ ଅଧିବେଶନର ଦ୍ୱିତୀୟ ସପ୍ତାହ ଆଜିଠାରୁ ଆରମ୍ଭ ହେବ। ପ୍ରଥମ ସପ୍ତାହ ହଟ୍ଟଗୋଳରେ ପରିପୂର୍ଣ୍ଣ ଥିଲା। ସୋମବାର ଲୋକସଭାରେ ପହଲଗାମ ଆକ୍ରମଣ ଏବଂ ଅପରେସନ ସିନ୍ଦୂର ଉପରେ ବିତର୍କ ହେବାର ସମ୍ଭାବନା ଅଛି। ଜାତୀୟ ସୁରକ୍ଷା ଏବଂ ବୈଦେଶିକ ନୀତି ସହ ଜଡ଼ିତ ଦୁଇଟି ପ୍ରସଙ୍ଗରେ ଶାସକ ଏବଂ ବିରୋଧୀ ଗୃହରେ ମୁହାଁମୁହିଁ ହେବେ।ଲୋକସଭା ଏବଂ ରାଜ୍ୟସଭାରେ ବିତର୍କ ସମୟରେ ବିଜେପି ନେତୃତ୍ୱାଧୀନ ଏନଡିଏ ମେଣ୍ଟ ଏବଂ ବିରୋଧୀ ଦଳଗୁଡ଼ିକ ସେମାନଙ୍କର ଶୀର୍ଷ ନେତାମାନଙ୍କୁ ବିତର୍କରେ ସାମିଲ କରିବେ ବୋଲି ଆଶା କରାଯାଉଛି।
ସ୍ୱରାଷ୍ଟ୍ର ମନ୍ତ୍ରୀ ଅମିତ ଶାହ, ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଏବଂ ବୈଦେଶିକ ମନ୍ତ୍ରୀ ଏସ୍ ଜୟଶଙ୍କର ଏହି ପ୍ରସଙ୍ଗଗୁଡ଼ିକ ଉପରେ ବକ୍ତବ୍ୟ ରଖିବେ ବୋଲି ସୂତ୍ରରୁ ଜଣାପଡ଼ିଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଜାତୀୟ ସୁରକ୍ଷା ଉପରେ ତାଙ୍କ ସରକାରଙ୍କ “ଦୃଢ଼” ଦୃଷ୍ଟିକୋଣର ଟ୍ରାକ୍ ରେକର୍ଡ ଉପସ୍ଜଥାପନ କରିବା ତଥା ତାଙ୍କର ମତାମତ ଉପସ୍ଥାପନ କରିବେ ବୋଲି ଆଶା କରାଯାଉଛି।ଅନ୍ୟ ପକ୍ଷରେ ଉଭୟ ଗୃହର ବିରୋଧୀ ଦଳ ନେତା ରାହୁଲ ଗାନ୍ଧି, ମଲ୍ଲିକାର୍ଜୁନ ଖାର୍ଗେ, ସମାଜବାଦୀ ପାର୍ଟି ଅଧ୍ୟକ୍ଷ ଅଖିଳେଶ ଯାଦବ ଏବଂ ଅନ୍ୟାନ୍ୟ ନେତାଙ୍କ ସହିତ, ସରକାରଙ୍କ ବିରୁଦ୍ଧରେ ଏକ ମୋର୍ଚ୍ଚା ଖୋଲିପାରନ୍ତି।ସଂସଦୀୟ ବ୍ୟାପାର ମନ୍ତ୍ରୀ କିରେନ ରିଜିଜୁ ଜୁଲାଇ 25 ତାରିଖରେ କହିଥିଲେ ଯେ, ହୋହଲ୍ଲା ଯୋଗୁଁ ଅଧିବେଶନର ପ୍ରଥମ ସପ୍ତାହ ବାଧାପ୍ରାପ୍ତ ହୋଇଥିଲା ଏବଂ ବିରୋଧୀ ସୋମବାର ଲୋକସଭାରେ ଏବଂ ତା’ପରେ ମଙ୍ଗଳବାର ରାଜ୍ୟସଭାରେ ଉଭୟ ପ୍ରସଙ୍ଗରେ ଆଲୋଚନା ଆରମ୍ଭ କରିବାକୁ ରାଜି ହୋଇଛନ୍ତି। ଶାସକ ଦଳ ଏବଂ ବିରୋଧୀ ଉଭୟ ଗୃହରେ 16 ଘଣ୍ଟାର ମାରାଥନ ବିତର୍କ ପାଇଁ ରାଜି ହୋଇଛନ୍ତି, ଯାହାକୁ ଆହୁରି ବୃଦ୍ଧି ମଧ୍ୟ କରାଯାଇପାରେ।
ଅପରେସନ ସିନ୍ଦୂର ପରେ ଭାରତର ପକ୍ଷ ଉପସ୍ଥାପନ କରିବା ପାଇଁ 30ରୁ ଅଧିକ ଦେଶ ଗସ୍ତ କରିଥିବା ସାତଟି ବହୁଦଳୀୟ ପ୍ରତିନିଧିମଣ୍ଡଳର ସଦସ୍ୟଙ୍କୁ
