ଗୃହ ଅପରାହ୍ନ ୪ ଟା ଯାଏଁ ମୁଲତବି

ଭୁବନେଶ୍ୱର: ଆଜିଥିଲା ବିଧାନସଭା ବଜେଟ୍ ଅଧିବେଶନ ଦ୍ବିତୀୟ ପର୍ୟ୍ୟାୟର ସପ୍ତମ ଦିନ। ସପ୍ତମ ଦିନରେ ବିଧାନସଭାରେ ଦେଖାଦେଇଥିଲା ଏସସିବି ତାତି। ପ୍ରଶ୍ନକାଳ ଆରମ୍ଭହେବା ମାତ୍ରେ ଏସସିବି ଅଗ୍ନିକାଣ୍ଡ ପ୍ରସଙ୍ଗ ଉଠାଇ ଜୋରଦାର ହଟ୍ଟଗୋଳ କରିଥିଲେ ବିରୋଧି। ଯାହାକୁ ଦୃଷ୍ଟିରେ ରଖି ବିଧାନସଭାକୁ ସାଢେ ୧୧ ଯାଏଁ ମୁଲତବୀ ରଖିଥିଲେ ବାଚସ୍ପତି ସୁରମା ପାଢୀ । ପରେ ଆରମ୍ଭ ହୋଇଥିଲା ଗୃହ। ସେତେବେଳେ ବି ବିରୋଧି ହୋ ହଲ୍ଲା କରିଥିଲେ। ବାଧ୍ୟ ହୋଇ ବାଚସ୍ପତ୍ତି ଗୃହକୁ ଅପରାହ୍ନ ୪ ଟା ଯାଏଁ ଗୃହକୁ ମୁଲତବି କରିଥିଲେ।

ବିଧାନସଭା ବଜେଟ୍ ଅଧିବେଶନର ସପ୍ତମ ଦିନରେ ଗୃହ କାର୍ୟ୍ୟ ଆରମ୍ଭ ହେବା ମାତ୍ରେ ହୋହାଲ୍ଲା ଏବଂ ନାରାବାଜିରେ କମ୍ପିଥିଲା ବିଧାନସଭା । ଗୃହର ମଧ୍ୟଭାଗକୁ ଆସି ହୋହାଲ୍ଲା ଏବଂ ନାରାବାଜି କରିଥିଲେ ବିରୋଧୀ କଂଗ୍ରେସ ଏବଂ ବିଜେଡି । ସ୍ୱାସ୍ଥ୍ୟମନ୍ତ୍ରୀଙ୍କ ଇସ୍ତଫା ଦାବିରେ ଅଡ଼ି ବସିଥିଲେ ବିରୋଧୀ । ଗୃହରେ ବିରୋଧ ଏବଂ ହଙ୍ଗାମା ଯୋଗୁଁ ଗୃହ କାର୍ୟ୍ୟ ଦୁଇ ଥର ମୁଲତବୀ କରିଥିଲେ ବାଚସ୍ପତି।

ସେପଟେ ବିଧାନସଭା ମୁଲତବୀ ପରେ ବି ଥମିନଥିଲା ବିରୋଧୀଙ୍କ ବିରୋଧ ପ୍ରଦର୍ଶନ । ଗୃହ ବାହାରେ ବିରୋଧୀ ସଦସ୍ୟମାନେ କୋକେଇ ଶୋଭାଯାତ୍ରା ଆରମ୍ଭ କରିଥିଲେ । ରାମ୍‌ ନାମ୍‌ ସତ୍ୟ ହେ ନାରାରେ କମ୍ପିଥିଲେ ବିଧାନସଭା ପରିସର। ବିଜେଡି ସଦସ୍ୟମାନେ ପ୍ରତିକାତ୍ମକ କୋକେଇ କରି ବିରାଟ ଶୋଭାଯାତ୍ରା କରିଥିଲେ।ଏଥିରେ କଂଗ୍ରେସ ସଦସ୍ୟମାନେ ବି ବିଜେଡି ସଦସ୍ୟଙ୍କ ସାଥ୍‌ ଦେଇଥିଲେ।