Garvita Odia
ସମ୍ବଲପୁର: ସମ୍ବଲପୁରରେ ଆର୍ଥିକ ଠକେଇ ମାମଲାରେ ୩ ଗିରଫ । ଗିରଫ ଅଭିଯୁକ୍ତମାନେ ହେଲେ ଝରଣା ବାଦି,ରାଜକୁମାରୀ ବାଦି ଓ ରାଜେଶ ବାଦି । ସେମାନେ ସମ୍ପର୍କରେ ୨ ଭଉଣୀ ଓ ଭାଇ । ୨୫ ଲକ୍ଷ ଟଙ୍କା ନିବେଶ କଲେ ଅଧିକ ଲାଭ ମିଳିବ ବୋଲି କହି ଜଣେ ବ୍ୟକ୍ତିଙ୍କଠାରୁ ୨୫ ଲକ୍ଷ ଟଙ୍କା ଠକେଇ କରିଥିବା ଅଭିଯୋଗ ହୋଇଥିଲା ।
ଅଭିଯୋଗ ପରେ ପୋଲିସ ଟେକ୍ନିକାଲ ଆନାଲିସିସ୍ ଆଧାରରେ ଅଇଁଠାପାଲି ଥାନା କାଇଁସିର ଅଞ୍ଚଳରେ ଚଢାଉ କରିଥିଲା । ସେଠାରୁ ୩ ଅଭିଯୁକ୍ତଙ୍କୁ ଗିରଫ କରାଯାଇଛି । ଅଭିଯୁକ୍ତଙ୍କଠାରୁ ନଗଦ ୧୫ ଲକ୍ଷ ୫୦ ହଜାର ଟଙ୍କା, ପ୍ରାୟ ୧୨ ଲକ୍ଷ ଟଙ୍କାର ସୁନା ଅଳଙ୍କାର, ୨୦ଟି ମୋବାଇଲ ଫୋନ, ଲାପଟପ୍, ଟାବ୍, ନକଲି ଆଧାର କାର୍ଡ ସହ ବିଭିନ୍ନ ସାମଗ୍ରୀ ଜବତ କରିଛି ପୋଲିସ ।
