Garvita Odia
ବିଧାନସଭାରେ ବିଜେଡିର ଆଚରଣକୁ ନେଇ ବର୍ଷିଛନ୍ତି ବିଜେପି ବିଧାୟକ ମାନସ ଦତ୍ତ । ସେ କହିଛନ୍ତି, ବିଧାନସଭାର ମର୍ଯ୍ୟାଦାକୁ ବିଜେଡି ହନନ କରିଛି । ବିରୋଧୀ ଦଳ ଭାବେ ଯେଉଁ ଭୂମିକା ନିଭାଇବା କଥା, ତାହା ନକରି ପଳାୟନପନ୍ଥୀ ହେଉଛି ବିଜେଡି ବୋଲି ଅଭିଯୋଗ କରିଛନ୍ତି ।
ଏମ୍ଏମ୍ଡିଆର୍ ସଂଶୋଧନ ନେଇ ବିଜେଡି ଆଲୋଚନା ପାଇଁ ମୋସନ୍ ଆଣିଥିବା ଏବଂ ବାଚସ୍ପତି ଏହାକୁ ଗ୍ରହଣ କରିଥିବା କହିଛନ୍ତି ମାନସ । ସରକାର ମଧ୍ୟ ଆଲୋଚନା ପାଇଁ ପ୍ରସ୍ତୁତ ଥିବା ବେଳେ ମୋସନ୍ ସମୟକୁ ଅପେକ୍ଷା ନକରି ବିଜେଡି ବିଧାନସଭା ଛାଡ଼ି ରାଜରାସ୍ତାକୁ ଯାଇଥିବା ସେ କହିଛନ୍ତି ।
ଏହା ପଛରେ ଦଳୀୟ ଏଜେଣ୍ଡା ଓ ରାଜନୈତିକ ଉଦ୍ଦେଶ୍ୟ ରହିଥିବା ମାନସ ଦତ୍ତ ଅଭିଯୋଗ କରିଛନ୍ତି । ଆଲୋଚନା ହେଲେ ପୂର୍ବ ସରକାର ସମୟର ଖଣି କାରବାର ଓ ଦୁର୍ନୀତିର ତଥ୍ୟ ସାମ୍ନାକୁ ଆସିବ ବୋଲି ବିଜେଡି ଭୟ କରୁଥିବା ସେ ଦାବି କରିଛନ୍ତି । ତାମିଲ ବାବୁଙ୍କ ଇସାରାରେ ଖଣି ଲୁଟ୍ ହେଉଥିଲା ବୋଲି ମଧ୍ୟ ସେ ଅଭିଯୋଗ ଆଣିଛନ୍ତି ।
