Garvita Odia
ବଲାଙ୍ଗିର: ବଲାଙ୍ଗିରରେ ଭୟଙ୍କର ସିରିଜ୍ ଦୁର୍ଘଟଣା। ଜଣେ ଡ୍ରାଇଭର ମୃତ । ସଇଁତଳା ଥାନା ନବୀନ ଛକ ନିକଟ ଜାତୀୟ ରାଜପଥ ୨୬ରେ ଘଟିଛି ଭୟଙ୍କର ଦୁର୍ଘଟଣା। ୩ଟି ଗାଡ଼ି ମଧ୍ୟରେ ଧକ୍କା ହେବା ଫଳରେ ଜଣେ ଡ୍ରାଇଭରଙ୍କ ଘଟଣାସ୍ଥଳରେ ମୃତ୍ୟୁ ହୋଇଛି। ଅନ୍ୟ ଦୁଇଟି ଟ୍ରକର ଡ୍ରାଇଭର ଘଟଣା ପରେ ଫେରାର ଅଛନ୍ତି।
ଲୁହା ସାମଗ୍ରୀ ବୋଝେଇ ଏକ ଟ୍ରକ୍ ଭବାନୀପାଟଣାରୁ ବଲାଙ୍ଗିର ଅଭିମୁଖେ ଯାଉଥିବା ବେଳେ ଏକ ବେଦାନ୍ତ ଗାଡ଼ି ବଲାଙ୍ଗିରରୁ କଳାହାଣ୍ଡି ଅଭିମୁଖେ ଯାଉଥିଲା। ଏହି ସମୟରେ ଜାତୀୟ ରାଜପଥ ୨୬ରେ ଦୁଇଟି ଗାଡ଼ି ମଧ୍ୟରେ ମୁହାଁମୁହିଁ ଧକ୍କା ହୋଇଥିଲା।
ଦୁର୍ଘଟଣା ପରେ ଅନ୍ୟ ଏକ ଗାଡ଼ିକୁ ସାଇଡ୍ ଦେବାକୁ ଯାଇ ଗୋଟିଏ ଗାଡ଼ି ଭାରସାମ୍ୟ ହରାଇ ରାସ୍ତାକଡ଼ ଜମିକୁ ଖସିପଡ଼ିଥିଲା। ଏହାପରେ ଆଉ ଏକ ଟ୍ରକ୍ ଲୁହା ସାମଗ୍ରୀ ବୋଝେଇ ଟ୍ରକକୁ ଧକ୍କା ଦେଇଥିଲା। ଫଳରେ ୩ଟି ଗାଡ଼ି ମଧ୍ୟରେ ସିରିଜ୍ ଦୁର୍ଘଟଣା ଘଟିଥିଲ।
