ଆମେ ହାରିନୁ, ଲୋକଙ୍କ ବିଶ୍ୱାସ ମଧ୍ୟ ହରାଇନୁ: ନବୀନ

ଭୁବନେଶ୍ୱର: ଆଜି ବିଜେଡିର ୨୮ତମ ପ୍ରତିଷ୍ଠା ଦିବସ । ସାରା ରାଜ୍ୟରେ ବିଜେଡି ନିଜର ପ୍ରତିଷ୍ଠା ଦିବସ ପାଳନ କରୁଛି । ଭୁବନେଶ୍ୱରସ୍ଥ ଶଙ୍ଖଭବନରେ ମଧ୍ୟ ବିଜେଡି ନିଜର ପ୍ରତିଷ୍ଠା ଦିବସ ପାଳନ କରୁଛି । ଏହି ଅବସରରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଯୋଗଦେଇ ଗତ ନିର୍ବାଚନରେ ଦଳର ପରାଜୟର କାରଣ ସମ୍ପର୍କରେ କହିଛନ୍ତି ।
ସେ କହିଛନ୍ତି ଯେ ଆମେ ହାରିନୁ, ଲୋକଙ୍କ ବିଶ୍ୱାସ ମଧ୍ୟ ହରାଇନୁ । ବିଜେପି ମିଛ ପ୍ରତିଶ୍ରୁତି ଦେଇ ସରକାରକୁ ଆସିଛି । ବିଜେପି ମିଛ କଥା କହି ଲୋକଙ୍କୁ ଭୂଅାଁ ବୁଲାଇଛି । ଏତେ ମିଛ କହି ମଧ୍ୟ ବିଜେପି ଆମଠୁ କମ ଭୋଟ ପାଇଛି । ଓଡ଼ିଶାବାସୀ ଜାଣିସାରିଲେଣି ଯେ ବିଜେପି ମିଛ କହି ସରକାରକୁ ଆସିଛି । ଆମର ଭୁଲ ହେଲା ଆମେ ସେମାନଙ୍କ ମିଛର କାଉଣ୍ଟର କରିପାରିଲୁ ନାହିଁ ବୋଲି ନବୀନ କହିଛନ୍ତି ।

ପ୍ରତିଷ୍ଠା ଦିବସ ଅବସରରେ ଦଳର ସୁପ୍ରିମୋ ନବୀନ ପଟ୍ଟନାୟକଙ୍କ ଏକ୍ସ ମାଧ୍ୟମରେ ବାର୍ତ୍ତା ଦେଇଛନ୍ତି । ସେ କହିଛନ୍ତି, ଓଡ଼ିଶାବାସୀଙ୍କ ବିଶ୍ବାସ ଓ ଭରଷାକୁ ଅତୁଟ ରଖି ବିଜେଡି ଦୃଢତା ସହ ଆଗକୁ ବଢୁଛି । ପ୍ରତିଟି କର୍ମୀଙ୍କ ନିଷ୍ଠା ଓ ଉତ୍ସର୍ଗୀକୃତ କାର୍ୟ୍ୟ ବିଜେଡିକୁ ଶ୍ରେଷ୍ଠ ଆଞ୍ଚଳିକ ଦଳର ପରିଚୟ ଦେଇଛି । ଓଡ଼ିଶାର ହକର ଲଢେଇରେ ବିଜେଡି କେବେ ପଛଘୁଞ୍ଚା ଦେବ ନାହିଁ । ଦଳର ୨୮ତମ ପ୍ରତିଷ୍ଠା ଦିବସରେ ଆସନ୍ତୁ ସଙ୍କଳ୍ପବଦ୍ଧ ହେବା । ଏକ ହୋଇ ଓଡ଼ିଶାବାସୀଙ୍କ ସେବାରେ ଲଢେଇକୁ ସମସ୍ତେ ଜୋରଦାର କରିବା ନବୀନ ଦେଇଛନ୍ତି ଆହ୍ବାନ ।