Garvita Odia
ଭୁବନେଶ୍ୱର: ଉଭେଇ ଗଲା ତାତି । ଆଗକୁ ତିନି ଦିନ ଯାଏ ତାତି କମ୍ ରହିବ । ଅଧିକାଂଶ ସ୍ଥାନରେ ୪୦ ଡିଗ୍ରୀ ତଳେ ରହିବ । ପଶ୍ଚିମ ଓଡ଼ିଶାର ବହୁ ସ୍ଥାନରେ ତାପମାତ୍ରା ୩୫ରୁ ୩୭ ଡିଗ୍ରୀ ପାଖାପାଖି ରହିବ । ଉତ୍ତର, ଦକ୍ଷିଣ ଓ ଉପକୂଳରେ ୩୦ଡିଗ୍ରୀରୁ ୩୩ ଡିଗ୍ରୀ ପାଖାପାଖି ରହିପାରେ । ପାଣିପାଗ ବିଭାଗ ଏଭଳି ପୂର୍ବାନୁମାନ କରିଛି ।
ରବିବାର ରାଜ୍ୟର ସବୁଠି ପାଗ ଥଣ୍ଡା ଥଣ୍ଡା ରହିଥିଲା । କେବଳ ବୌଦ୍ଧରେ ୪୧.୭ ଡିଗ୍ରୀ ତାତି ରହିଥିଲା । ଝାରସୁଗୁଡ଼ା ଓ ବଲାଙ୍ଗୀରରେ ୪୦.୨ ଓ ତାଳଚେରରେ ୪୦ ଡିଗ୍ରୀ ରହିଥିଲା । ପଶ୍ଚିମ ଓଡ଼ିଶାର ବହୁ ସ୍ଥାନରେ ୩୫ରୁ ୩୭ ଡିଗ୍ରୀ ପାଖାପାଖି ରହିଥିଲା । ଦେବଗଡ଼ରେ ୩୬, ବାରିପଦାରେ ୩୬.୮ଡିଗ୍ରୀ, ସୋନପୁରରେ ୩୭.୮, ବରଗଡ଼ରେ ୩୭.୯, ସମ୍ବଲପୁରରେ ୩୮.୨, ନୂଆପଡ଼ାରେ ୩୮.୫ ଓ ସୁନ୍ଦରଗଡ଼ରେ ୩୮.୮ ଡିଗ୍ରୀ ରେକର୍ଡ ହୋଇଥିଲା । ଉତ୍ତର ଓଡ଼ିଶା ଓ ଉପକୂଳ ଓଡ଼ିଶାର ବହୁ ସ୍ଥାନରେ ତାତି ୩୦-୩୨ଡିଗ୍ରୀ ପାଖକୁ ଖସି ଆସିଥିଲା । କଟକ ଓ ଭୁବନେଶ୍ୱର ଓ ଗୋପାଳପୁରରେ ଦିନତମାମ ପାଗ ମେଘୁଆ ରହିଥିଲା । ଗୋପାଳପୁରରେ ୨୯.୬, ଭୁବନେଶ୍ୱରରେ ୩୦.୨ ଓ କଟକରେ ୩୦.୪ ଡିଗ୍ରୀ ରେକର୍ଡ ହୋଇଥିଲା ।
