Garvita Odia
ଭୁବନେଶ୍ୱର: ରାଜ୍ୟରେ ବିଜେପି ସରକାର ବର୍ଷ ପୂର୍ତ୍ତି ଅବସରରେ ଭୁବନେଶ୍ୱର ଆୟୋଜିତ ବିଶାଳ ଜନସମାବେଶରେ ଯୋଗ ଦେଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ଜନତା ମଇଦାନର ଭବ୍ୟ ସମାରୋହରେ ପ୍ରଧାନମନ୍ତ୍ରୀ ମୋଦୀ କଂଗ୍ରେସକୁ ଟାର୍ଗେଟ୍ କରିଛନ୍ତି । ସେ କହିଛନ୍ତି, କଂଗ୍ରେସ ମଡେଲରେ ସୁଶାସନ ନଥିଲା । ବିକାଶ ଯୋଜନାକୁ ଅଟକାଇବା, ଝୁଲାଇ ରଖିବା, ବାଟମାରଣା କରିବା, ମହାଦୁର୍ନୀତି ହିଁ କଂଗ୍ରେସର ବିକାଶ ମଡେଲର ପରିଚୟ ଥିଲା । ଏବେ ଦେଶ ଗତ କିଛି ବର୍ଷ ହେଲା ବ୍ୟାପକ ରୂପେ ବିଜେପିର ବିକାଶ ମଡେଲ ଦେଖୁଛି । ଗତ ଦଶନ୍ଧିରେ ଦେଶର ଅନେକ ରାଜ୍ୟରେ ବିଜେପି ପ୍ରଥମଥର ସରକାର ଗଢିଥିଲା । ଏହି ସବୁ ରାଜ୍ୟରେ କେବଳ ସରକାର ବଦଳିନି ବରଂ ସାମାଜିକ ଓ ଆର୍ଥିକ ପରିବର୍ତ୍ତନର ନୂଆ ଯୁଗ ଆରମ୍ଭ ହୋଇଛି । ବିଜେପି ଶାସନରେ ଆଜି ପୂର୍ବ ଭାରତର ଆସାମ ଓ ତ୍ରିପୁରା ବିକାଶର ନୂଆ ଗତି ପାଇଛନ୍ତି । ଆମର ଓଡ଼ିଶା ବି ଦଶନ୍ଧି ହେଲା ଅନେକ ସମସ୍ୟା ଭୋଗୁଥିଲା । ଗରିବ, ଚାଷୀଙ୍କ ନିକଟରେ ସେମାନଙ୍କ ପୂରା ହକ୍ ପହଞ୍ଚିପାରୁ ନଥିଲା । ଓଡ଼ିଶାର ଅନେକ କ୍ଷେତ୍ର ବିକାଶରେ ପଛରେ ରହିଥିଲେ । ଏଭଳି ଅନେକ ଆହ୍ୱାନ ଓଡ଼ିଶାର ଦୁର୍ଭାଗ୍ୟ ପାଲଟିଥିଲା । ଗତ ଏକ ବର୍ଷରେ ଏହାର ସମାଧାନ ପାଇଁ ବିଜେପି ସରକାର ଅବରିତ କାମ କରୁଛି । ବିକାଶର ଡବଲ ଇଞ୍ଜିନର ଲାଭ ମଧ୍ୟ ଦେଖିବାକୁ ମିଳୁଛି । ଆଜି ଯେଉଁ ହଜାର ହଜାର କୋଟି ଟଙ୍କା ଶିଳାନ୍ୟାସ ଓ ଲୋକାର୍ପଣ ହୋଇଛି, ସେଥିରେ ଡବଲ୍ ଇଞ୍ଜିର ଛାପ ରହିଛି । ଓଡ଼ିଶାରେ ଡବଲ୍ ଇଞ୍ଜିନ, ଏଠାକାର ଲୋକଙ୍କ ଡବଲ୍ ଫାଇଦା କରିଛି । ଦୀର୍ଘ ସମୟ ଯାଏ ଓଡ଼ିଶାର ଲୋକ ଆୟୁଷ୍ମାନ ଭାରତ ଯୋଜନାକୁ ବଞ୍ଚିତ ଥିଲେ । ଆଜି ଆୟୁଷ୍ମାମ ଭାରତ ସହ ଗୋପବନ୍ଧୁ ଜନଆରୋଗ୍ୟର ଲାଭ ମିଳୁଛି । ଓଡ଼ିଶାର ୭୦ ବର୍ଷରୁ ଉର୍ଦ୍ଧ୍ୱ ବରିଷ୍ଠ ନାଗରିକ ଅଛନ୍ତି । ସମସ୍ତଙ୍କୁ ପ୍ରଧାନମନ୍ତ୍ରୀ ବୟୋବନ୍ଦନ ଯୋଜନାରେ ସେମାନଙ୍କ ଚିକିତ୍ସା ସୁନିଶ୍ଚିତ କରାଯାଇଛି । ଓଡ଼ିଶାର ଚାଷୀଙ୍କୁ କେନ୍ଦ୍ର ଓ ରାଜ୍ୟର ଡବଲ୍ ଲାଭ ମିଳିବା ଆରମ୍ଭ ହୋଇଛି ।
ପ୍ରଧାନମନ୍ତ୍ରୀ କହିଛନ୍ତି, ନିର୍ବାଚନ ସମୟରେ ଆମେ ଦେଇଥିବା ପ୍ରତିଶ୍ରୁତିକୁ ପୂରଣ କରିବା ପାଇଁ ଆମ ସରକାର ଲାଗିଛନ୍ତି । ଓଡ଼ିଶାରେ ବହୁ ସଂଖ୍ୟାରେ ଆଦିବାସୀ ବସବାସ କରୁଛନ୍ତି । ଅତୀତରେ ସେମାନଙ୍କୁ ଅଣଦେଖା କରାଯାଉଥିଲା । ପୂର୍ବର ସରକାରଗୁଡ଼ିକୁ ଆଦିବାସୀଙ୍କୁ ବିକାଶ ଦେଇ ନଥିଲେ । ଆଦିବାସୀ ଜିଲ୍ଲାଗୁଡ଼ିକୁ ରେଡ୍ କରିଡର୍ ଓ ପଛୁଆ ଜିଲ୍ଲା କହି ଅଣଦେଖା କରାଯାଇଥିଲା । ଆମେ ଆଦିବାସୀ ଜିଲ୍ଲାକୁ ହିଂସାରୁ ମୁକ୍ତ କରି ବିକାଶ ମାର୍ଗରେ ନେଇଛୁ । ଆଦିବାସୀ ଜିଲ୍ଲାରେ ଆମେ ବିକାଶର ଗଙ୍ଗା ପ୍ରଭାହିତ କରିଛୁ । ଦେଶରେ ଖୁବଶୀଘ୍ର ନକ୍ସଲ ବାଦ ଶେଷ ହେବ ।
ଏହି ଅବସରରେ ପ୍ରଧାନମନ୍ତ୍ରୀ ମୋଦୀ ପ୍ରଧାନମନ୍ତ୍ରୀ କହିଛନ୍ତି, ‘ଓଡ଼ିଶା କେବଳ ଗୋଟିଏ ରାଜ୍ୟ ନୁହେଁ, ଏହା ଭାରତର ଐତିହ୍ୟର ଦିବ୍ୟ ତାରକା । ଓଡ଼ିଶା ଶହ ଶହ ବର୍ଷ ଧରି ଭାରତୀୟ ସଭ୍ୟତାକୁ, ଆମ ସଂସ୍କୃତିକୁ ସମୃଦ୍ଧ କରୁଛି । ଏଥିପାଇଁ ଆଜି ଯେତେବେଳେ ବିକାଶ ଓ ଐତିହ୍ୟର ମନ୍ତ୍ର ଭାରତର ବିକାଶ ପାଇଁ ମନ୍ତ୍ର ପଲଟିଛି, ସେତେବେଳେ ଓଡ଼ିଶାର ଭୂମିକା ଆହୁରି ଅଧିକ ହୋଇଛି । ଗତ ଏକ ବର୍ଷରେ ଓଡ଼ିଶା ବିକାଶ ଓ ଐତିହ୍ୟ ମନ୍ତ୍ରକୁ ସାର୍ଥକ କରିଛି । ଏହି ମନ୍ତ୍ରକୁ ନେଇ ଆଗକୁ ବଢୁଛି । ଏହା ସୁଖଦ ସଂଯୋଗ ଯେ, ବିଜେପିର ଓଡ଼ିଶା ସରକାର ଏକ ବର୍ଷ ପୂରଣ କରିବା ବେଳେ ଭଗବାନ ଗଜନ୍ନାଥଙ୍କ ରଥଯାତ୍ରା ପାଇଁ ସମସ୍ତେ ଲାଗିଛନ୍ତି । ମହାପ୍ରଭୁ ଜଗନ୍ନାଥ ଆମ ପାଇଁ ଆରାଧ୍ୟ ଓ ପ୍ରେରଣା । ଏଠି ସରକାର ହେଉ ହେଉ ଶ୍ରୀମନ୍ଦିରର ଚାରି ଦ୍ୱାରା ଖୋଲି ଦିଆଗଲା । ଏହା କୋଟି କୋଟି ଲୋକଙ୍କ ଆସ୍ଥାର ସମ୍ମାନର କାର୍ୟ୍ୟ ହୋଇଛି ।’
ପ୍ରଧାନମନ୍ତ୍ରୀ ଆହୁରି କହିଛନ୍ତି, ‘ମୁଁ ଦୁଇ ଦିନ ତଳେ କାନାଡାରେ ଜି୭ ସମ୍ମିଳନୀ ପାଇଁ କାଡାନାରେ ଥିଲି । ଆମେରିକା ରାଷ୍ଟ୍ରପତି ଟ୍ରମ୍ପ ମୋତେ ଫୋନ କରି ୱାଶିଂଟନ ଗସ୍ତ ପାଇଁ ଆମନ୍ତ୍ରଣ କରିଥିଲେ । ମୁଁ ଆମେରିକା ରାଷ୍ଟ୍ରପତିଙ୍କୁ ତାଙ୍କ ନିମନ୍ତ୍ରଣ ପାଇଁ ଧନ୍ୟବାଦ ଜଣାଇ କହିଥିଲି, ମହାପ୍ରଭୁଙ୍କ ମାଟିକୁ ଯିବା ମୋ ପାଇଁ ଅଧିକ ଜରୁରି । ମୁଁ ତାଙ୍କ ନିୟମନ୍ତ୍ରଣକୁ ନମ୍ରତା ସହ ଆଗ୍ରହ୍ୟ କଲି । ଆପଣଙ୍କ ପ୍ରେମ ମୋତେ ମହାପ୍ରଭୁଙ୍କ ମାଟିକୁ ଟାଣି ଆଣିଛି ।’
