ଘରକୁ ଥଣ୍ଡା ରଖିବାର ଉପାୟ

ଶୀତତାପ ନିୟନ୍ତ୍ରିତ କକ୍ଷରେ ଝରକା, କବାଟ ସବୁବେଳେ ବନ୍ଦ ରହୁଥିବାରୁ ସଂକ୍ରମଣଜନିତ ରୋଗ ଶୀଘ୍ର ବ୍ୟାପିଥାଏ । ବିଶେଷଜ୍ଞ ଦଳ ମଧ୍ୟ ବାରମ୍ବାର ସତର୍କ କରାଇଛନ୍ତି, କରୋନା ମହାମାରୀ ନିୟନ୍ତ୍ରଣ ନ ହେବା ପର୍ଯ୍ୟନ୍ତ ଏସି (ଶୀତତାପ ନିୟନ୍ତ୍ରିତ ଯନ୍ତ୍ର)ର ବ୍ୟବହାର କମ କରନ୍ତୁ । ଘରକୁ ଥଣ୍ଡା ରଖିବା ନିମନ୍ତେ ଅନ୍ୟ ଉପାୟ ମାନ ଆପଣାଇପାରିବେ ।
ଯେପରି ଯଦି ଆପାର୍ଟମେଣ୍ଟର ଉପର ମହଲାରେ ରହୁଛନ୍ତି ଗରମ ହେବା ସ୍ୱାଭାବିକ । ଏଭଳି ସ୍ଥିତିରେ ନିଜ ଛୋଟ ବାଲକୋନିରେ ବଗିଚାଟିଏ କରି ଗରମ ପ୍ରକୋପରୁ ବର୍ତ୍ତିପାରିବେ ।
ରୋଷେଇ ଘରେ ଏକ୍ସହଷ୍ଟ ଫ୍ୟାନ ଲଗାନ୍ତୁ । ଏହା ସହାୟତାରେ ଘରର ଗରମ ପବନ ବାହାରକୁ ଯିବ ।
ସନ୍ଧ୍ୟା ପରେ ଝରକା, କବାଟ ଖୋଲି ରଖିବା ସହ ବତି ଲିଭାଇ ଦିଅନ୍ତୁ । ଦେଖିବେ ଘର ଥଣ୍ଡା ଲାଗିବ ।
ବାଲକୋନିରେ ଖରା ଅଧିକ ପଡୁଥିଲେ, ସେଠାରେ ଗ୍ରୀନ ଶେଡ ଲଗାଇପାରିବେ ।
ଘରେ ଅଧିକ ଜିନିଷ ମଧ୍ୟ ରଖନ୍ତୁ ନାହିଁ । ଏହା ମଧ୍ୟ ଗରମ ବଢ଼ାଇଥାଏ ।