ଜେଲରୁ ବାହାରିଲେ ଧିମାନ ଚକମା

ଭବାନୀପାଟଣା:୪୦ରୁ ଅଧିକ ଦିନ ଜେଲରେ ରହିବା ପରେ ଜେଲରୁ ବାହାରିଲେ ଧିମାନ ଚକମା । ଉଚ୍ଚତମ ନ୍ୟାୟାଳୟ ଗୁରୁବାର ତାଙ୍କର ସର୍ତ୍ତମୂଳକ ଜାମିନ ମଞ୍ଜୁର କରିଛନ୍ତି । ଧିମାନ ଚକମାଙ୍କ ଓକିଲ ଦିଲୀପ କୁନାର ସା ଦେଇଥିବା ସୂଚନା ଅନୁଯାୟୀ, ହାଇକୋର୍ଟ ୫ଟି ଗୁରୁତ୍ଵପୂର୍ଣ୍ଣ ସର୍ତ୍ତ ରଖିଛନ୍ତି । ଧିମାନ ଚକମା ଦେଶ ବାହାରକୁ କୋର୍ଟ କିମ୍ବା ଭିଜିଲାନ୍ସ ବିଭାଗର ବିନା ଅନୁମତିରେ ଯାଇ ପାରିବେ ନାହିଁ । ତାଙ୍କର ପାସପୋର୍ଟ କୋର୍ଟକୁ ପ୍ରଦାନ କରିବା ସହିତ କୋର୍ଟଙ୍କ ଅଜାଣତରେ ନିଜର ଠିକଣା ବଦଳାଇ ପାରିବେ ନାହିଁ । ଏହାସହିତ କୋର୍ଟ ଟ୍ରାଏଲ ସମୟରେ ଉପସ୍ଥିତ ରହିବେ । ଏହିସବୁ ସର୍ତ୍ତ ରଖି ତାଙ୍କର ଜାମିନ ମଞ୍ଜୁର କରିଛନ୍ତି କୋର୍ଟ ।
କଳାହାଣ୍ଡି ଜିଲ୍ଳା ଧର୍ମଗଡ ଉପ ଜିଲ୍ଲାପାଳ ଥିିଲେ ଧିମାନ ଚକମା । ଏହି ସମୟରେ ଅର୍ଥାତ ଗତ ଜୁନ ୮ ତାରିଖ ଦିନ ଜୟପାଟଣାର ଜଣେ କ୍ରସର ବ୍ୟବସାୟୀଙ୍କ ଠାରୁ ୨୦ ଲକ୍ଷ ଲାଞ୍ଚ ଦାବି କରିଥିଲେ । ଲାଞ୍ଚ ନଦେଲେ ତାଙ୍କ ବ୍ୟବସାୟ ଉପରେ ରେଡ କରାଯିବ ଓ କାର୍ୟ୍ୟାନୁଷ୍ଠାନ ନିଆଯିବ ବୋଲି ଧମକ ମଧ୍ୟ ଦେଇଥିଲେ । ଏନେଇ ବ୍ୟବସାୟୀଙ୍କୁ ନିଜ ସରକାରୀ ବାସଭବନକୁ ଡକାଇ ୧୦ ଲକ୍ଷ ଲାଞ୍ଚ ନେବା ବେଳେ ପୂର୍ବରୁ ଖବର ପାଇ ଘରେ ପହଞ୍ଚିଥିଲା ଭିଜିଲାନ୍ସ ଟିମ୍ । ସେଠାରୁ ନଗଦ ୧୦ ଲକ୍ଷ ଟଙ୍କାର ୨୬ଟି ୧୦୦ଟଙ୍କିଆ ବଣ୍ଡଲ ସହ ଧରାପଡିଥିଲେ ଲାଞ୍ଚୁଆ ଯୁବ ଅଫିସର ଧିମାନ ଚକମା ।