ଡବଲ ଇଞ୍ଜିନ ସରକାର ଡବଲ ଧୋକା:ପ୍ରମିଳା

ଭୁବନେଶ୍ୱର: ରାଜ୍ୟ ସରକାର ମହିଳାମାନଙ୍କ ସହ ପ୍ରତାରଣା କରିଛନ୍ତି । ରାଜ୍ୟରେ ରନ୍ଧନ ଗ୍ୟାସ ଅଭାବ ପରିଲକ୍ଷିତ ହୋଇଛି, ତୈଳ ଦରଦାମ ବୃଦ୍ଧି ହୋଇଛି । ସାଧାରଣ ଲୋକ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି । ‘ଡବଲ ଇଞ୍ଜିନ ସରକାର ଡବଲ ଧୋକା’ ଦେଇଛନ୍ତି ବୋଲି କହିଛନ୍ତି ବିରୋଧୀ ଦଳ ମୁଖ୍ୟ ସଚେତକ ପ୍ରମିଳା ମଲ୍ଲିକ।
ବିଧାନସଭାରେ LPG ତାତି । ରାଜ୍ୟରେ ରନ୍ଧନ ଗ୍ୟାସ ଅଭାବ ଅଭିଯୋଗ ଆଣି ଡବଲ ଇଞ୍ଜିନ ସରକାରଙ୍କୁ ଘେରିଲେ ବିରୋଧୀ । ଗୃହ ଆରମ୍ଭରୁ ଉଭୟ ବିଜେଡି ଏବଂ କଂଗ୍ରେସ ବିଧାୟକମାନେ ହଟ୍ଟଗୋଳ କରିଥିବା ବେଳେ ପ୍ରଥମେ ଗୃହକୁ ସାଢ଼େ ଏଗାରଟା ଏବଂ ପରେ 12.10 ପର୍ଯ୍ୟନ୍ତ ମୁଲତବୀ ଘୋଷଣା କରିଛନ୍ତି ବାଚସ୍ପତି । ମଧ୍ୟପ୍ରାଚ୍ୟରେ ଯୁଦ୍ଧ ଲାଗି ରହିଥିବା କାରଣରୁ କେବଳ ଓଡ଼ିଶା ନୁହେଁ ସାରା ଦେଶରେ ଗ୍ୟାସ୍ ସଙ୍କଟ ଦେଖିବାକୁ ମିଳିଛି ।
ରାଜ୍ୟରେ ମିଳୁନାହିଁ LPG ଗ୍ୟାସ । ଗ୍ରାହକ ହେଉଛନ୍ତି ହନ୍ତସନ୍ତ । ଡବଲ ଇଞ୍ଜିନ ଡବଲ ଧୋକା’ ଅଭିଯୋଗ ଆଣି ବିଧାନସଭା ଭିତରେ ହୋହଲ୍ଲା ପ୍ରଦର୍ଶନ କରିଛି କଂଗ୍ରେସ । ଦଳର ସଦସ୍ୟମାନେ ଗୃହ ଆରମ୍ଭରୁ ହିଁ ଗ୍ୟାସ ସଙ୍କଟକୁ ନେଇ ପ୍ରତିବାଦ କରିଥିଲେ । କଂଗ୍ରେସ ବିଧାୟକମାନେ ହାତରେ ପ୍ଲାକାର୍ଡ ଧରି ବାଚସ୍ପତିଙ୍କ ପୋଡିୟମ ତଳେ ସରକାରଙ୍କ ବିରୋଧ ନାରାବାଜି କରିଥିଲେ । କଂଗ୍ରେସର ଏହି ପ୍ରଦିବାଦକୁ ସମର୍ଥନ ଜଣାଇଥିଲା ବିଜେଡି । ବିଜୁ ଜନତା ଦଳର ବିଧାୟକମାନେ ନିଜ ନିଜ ସ୍ଥାନରେ ଛିଡା ହୋଇ ପ୍ରତିବାଦ କରିଥିଲେ । ସେପଟେ ବାଚସ୍ପତି ଗୃହକୁ ସ୍ୱାଭାବିକ କରିବାକୁ ଅନୁରୋଧ କରିଥିଲେ ମଧ୍ୟ ସ୍ଥିତି ସ୍ୱାଭାବିକ ନ ହେବାରୁ ବାଧ୍ୟ ହୋଇ ଗୃହକୁ 12.10 ପର୍ଯ୍ୟନ୍ତ ମୁଲତବୀ ଘୋଷଣା କରିଥିଲେ ।