ନିର୍ବାଚନରେ ସାମିଲ ହେଲେ ଦାଶରଥୀ ଗମାଙ୍ଗ

ଭୁବନେଶ୍ୱର: ଆଜି ସକାଳ ୯ଟାରୁ ଆରମ୍ଭ ହୋଇଛି ରାଜ୍ୟସଭା ନିର୍ବାଚନ ମତଦାନ ପ୍ରକ୍ରିୟା । ପ୍ରଥମେ ଭୋଟ ଦେଲେ ସଂସଦୀୟ ବ୍ୟପାର ମନ୍ତ୍ରୀ ମୁକେଶ ମହାଳିଙ୍ଗ । ଏହା ଅପରାହ୍ନ ୪ଟା ପର୍ୟ୍ୟନ୍ତ ଜାରି ରହିବ । ଏହା ପରେ ପ୍ରକାଶ ପାଇବ ଫଳାଫଳ ।
ତେବେ ରାଜ୍ୟସଭା ନିର୍ବାଚନରେ ସାମିଲ ହେଲେ କଂଗ୍ରେସ ବିଧାୟକ ଦାଶରଥୀ ଗମାଙ୍ଗ । ବିଧାନସଭା ପରିସରରେ ପହଞ୍ଚିଲେ ମତଦାନ ସାବ୍ୟସ୍ତ କରିବେ ଦାଶରଥୀ । ସାରା ରାଜ୍ୟରେ ସବୁଠୁ ଚର୍ଚ୍ଚାରେ ଥିଲେ ଦାଶରଥୀ । ଦଳର ହ୍ବିପ କୁ ଅବମାନନା ଅଭିଯୋଗ ଆସିଥିଲା ତାଙ୍କ ବିରୋଧରେ । ୮ ତାରିଖ ପରେ ଦଳର ଯୋଗାଯୋଗରୁ ଦୁରେଇ ରହିଥିଲେ ସେ । କଂଗ୍ରେସ ପକ୍ଷରୁ ତାଙ୍କୁ କାରଣ ଦର୍ଶାଅ ନୋଟିସ ଜାରି କରାଯାଇଥିଲା।ପିସିସି ସଭାପତି ଦାଶରଥୀଙ୍କୁ ନେଇ ସାମ୍ବାଦିକ ସମ୍ମିଳନୀରେ କଡା ଚେତାବନୀ ଦେଇଥିଲେ । ସନ୍ଧ୍ୟା ୭ଟା ଭିତରେ ପହଞ୍ଚି କାରଣ ଦର୍ଶାଅ ନୋଟିସର ଉତ୍ତର ରଖିବାକୁ ନିର୍ଦ୍ଦେଶ ଦେଇଥିଲା ଦଳ । ଏ ସବୁ ଛକା ପଞ୍ଚା ଭିତରେ ଆଜି ୧୧.୦୫ରେ ବିଧାନସଭାରେ ପହଞ୍ଚିଲେ ଦାଶରଥୀ ଗମାଙ୍ଗ ।