Garvita Odia
ନୂଆଦିଲ୍ଲୀ: ଗତମାସରେ ନେପାଳରେ ଆସିଥିବା ଭୟଙ୍କର ଜଳପ୍ରଳୟର ଦୁଃଖ ସରିନି । ଏବେ ପୁଣି ଭୟଙ୍କର ବନ୍ୟା ଆସିଛି । ଗୋର୍ଖା ଜିଲ୍ଲାର ବୁଢୀ ଗଣ୍ଡକୀ ନଦୀରେ ବନ୍ୟା ପରିସ୍ଥିତି ସୃଷ୍ଟି ହୋଇଛି । ସାମ୍ନାକୁ ଆସିଥିବା ଭିଡିଓରେ ଦେଖିବାକୁ ମିଳିଛି କି ହଠାତ୍ ନଦୀରେ ବନ୍ୟା ପରିସ୍ଥିତି ସୃଷ୍ଟି ହୋଇଛି । ନଦୀର ଜଳ ନିକଟସ୍ଥ ଗାଁରେ ପ୍ରବେଶ କରିଛି । ଅନେକ ଘର ଏବଂ ପୋଲ ମଧ୍ୟ ଧୋଇ ଯାଇଛି । ଏଥିରେ ୪ ଜଣ ନିଖୋଜ ଥିବା ରିପୋର୍ଟ ଆସିଛି । ତଳିଆ ଅଞ୍ଚଳରେ ରହୁଥିବା ଲୋକଙ୍କୁ ସଜାଗ ରହିବାକୁ ଏବଂ ସୁରକ୍ଷିତ ସ୍ଥାନକୁ ଯିବାକୁ ପ୍ରଶାସନ ନିବେଦନ କରିଛି ।
ସୂଚନା ମୁତାବକ, ଗଣ୍ତକୀ ଜଳବିଦ୍ୟୁତ ପ୍ରକଳ୍ପ ମଧ୍ୟ କ୍ଷତିଗ୍ରସ୍ତ ହୋଇଛି । ବନ୍ୟା ଯୋଗୁଁ କିଛି ଯନ୍ତ୍ରପାତି ମଧ୍ୟ ଧୋଇ ଯାଇଛି ଭୋର ପ୍ରାୟ ୪ଟା ବେଳକୁ ପାଣି ଗାଁ ଭିତରକୁ ପଶିବା ଆରମ୍ଭ କରିଥିଲା । ଲୋକମାନେ ଉଚ୍ଛ ସ୍ଥାନକୁ ଦୌଡ଼ିଥିଲେ । ରିପୋର୍ଟରେ କୁହାଯାଇଛି ଯେ ଉଚ୍ଚତା ଅଞ୍ଚଳରେ ଚୁଞ୍ଚୁବ୍ରି ସିୟାରି ନଦୀରେ ଜଳ ପ୍ରବାହ ବନ୍ଦ ହୋଇଥିଲା । ଏହା ପରେ ସେଠାରେ ଏକ ହ୍ର ସୃଷ୍ଟି ହୋବାକୁ ଲାଗିବ । ଏହି ଜଳ ଦ୍ରୁତ ପ୍ରବାହ ସହିତ ତଳକୁ ଆସିଛି । ଗଣ୍ଡକୀ ନଦୀରେ ବନ୍ୟା ଯୋଗୁଁ ସଲ୍ଲେରୀ, ପାୟୁକୀ ଏବଂ ଜଗତ ନଦୀ କୂଳରେ ଥିବା ଘର ଭାସି ଯାଇଛି । ନଦୀରେ ହଠାତ୍ ଜଳସ୍ତର ବୃଦ୍ଧି ହେବାର କାରଣ ଏ ପର୍ଯ୍ୟନ୍ତ ଜଣାପଡିନାହିଁ । ଚୁରନୁବ୍ରି-୬ରେ ଲୋକପା ଏବଂ ଚୁମଲିଙ୍ଗ ମଧ୍ୟରେ ବୁଢୀ ଗଣ୍ଡକୀର ଏକ ଉପନଦୀ ସିୟାରର ପ୍ରବାହ ବାଧାପ୍ରାପ୍ତ ହେବାରୁ ଜଳସ୍ତର ବଢିଥିବା ସନ୍ଦେହ କରଯାଉଛି । ଯାହା ବନ୍ୟା ପରିସ୍ଥିତି ସୃଷ୍ଟି କରିଛି । ଆକସ୍ମିକ ବନ୍ୟା ଯୋଗୁଁ ଉତ୍ତର ଗୋର୍ଖାର ଅନେକ ଅଞ୍ଚଳରେ ୩୫ ଘର ଭାସି ଯାଇଥିବା ଜଣାପଡିଛି ।
ଗୋର୍ଖା ମୁଖ୍ୟ ଜିଲ୍ଲା ଅଧିକାରୀ ଧରେନ୍ଦ୍ର କୁମାର ମିଶ୍ର କହିଛନ୍ତି ଯେ, ରବିବାର ସକାଳ ୪.୩୫ ସମୟରେ ଏକ ବଡ଼ ବନ୍ୟା ପରିସ୍ଥିତି ସୃଷ୍ଟି ହୋଇଛି। ପରିସ୍ଥିତିର ଅନୁଧ୍ୟାନ ପାଇଁ ନେପାଳ ସେନା ହେଲିକପ୍ଟର ପଠାଇବାକୁ ପ୍ରସ୍ତୁତି ଚାଲିଛି । ଅରୁଘଟ ଗ୍ରାମୀଣ ପୌରପାଳିକା ସୋଟି ଏବଂ ମନବୁକୁ ସଂଯୋଗ କରୁଥିବା ମୋଟର ବ୍ରିଜ୍ ବନ୍ୟାରେ ଭାସି ଯାଇଛି । ଚୁମନୁବ୍ରି ପୌରପାଳିକା ଅନ୍ତର୍ଗତ ନ୍ୟାକ୍ଚେଟ୍ ଏବଂ ସିର୍ଡିବାସକୁ ସଂଯୋଗ କରୁଥିବା ପୁରୁଣା ବ୍ରିଜ୍ ମଧ୍ୟ ଧୋଇ ଯାଇଛି ।
ବୁଢୀ ଗଣ୍ଡକୀ ନଦୀରେ ବନ୍ୟା ଭୋଟକାଶୀର ବନ୍ୟା କଥା ମନେ ପକାଇ ଦେଇଛି । ଯେଉଁଥିରେ ହଜାର ହାଜର ଲୋକଙ୍କ ଜୀବନ ଯାଇଥିଲା । ବର୍ତ୍ତମାନ ଆସିଥିବା ବନ୍ୟାର କ୍ଷୟକ୍ଷତି ଆକଳନ କରାଯାଇନାହିଁ । ଅଗଷ୍ଟ ୨୬ରେ ତ୍ରିଶୂଳି ଏବଂ ଭୋଟକାଳୀ ନଦୀରେ ଭୟଙ୍କର ବନ୍ୟା ଆସିଥିଲା । ଅନେକ ଗାଁ ଧୋଇଯାଇଥିଲା । ଏହି ବିପର୍ଯ୍ୟରେ ୧୪୫୫ ଜଣଙ୍କର ମୃତ୍ୟୁ ହୋଇଥିଲା । ବର୍ତ୍ତମାନ ସୁଦ୍ଧା ୫ ହଜାର ନିଖୋଜ ଅଛନ୍ତି । ସେମାନଙ୍କୁ ଖୋଜା ଖୋଜି ଜାରି ରହିଛି ।
