Garvita Odia
ପଞ୍ଜାବ: ପଞ୍ଜାବର ପଟିଆଲାରେ ସୋମବାର ବିଳମ୍ବିତ ରାତିରେ ଏକ ବଡ଼ ଦୁର୍ଘଟଣା ଘଟିଛି। ଶମ୍ଭୁ-ଅମ୍ବାଲା ରେଳ ଟ୍ରାକ ନିକଟରେ ଏକ ଶକ୍ତିଶାଳୀ ବିସ୍ଫୋରଣ ଘଟି ଟ୍ରାକକୁ କ୍ଷତି ପହଞ୍ଚାଇଛି। ବିସ୍ଫୋରଣ ସ୍ଥାନ ନିକଟରୁ ଜଣେ ବ୍ୟକ୍ତିଙ୍କ ମୃତଦେହ ଉଦ୍ଧାର କରାଯାଇଛି। ସୋମବାର ରାତି ପ୍ରାୟ ୧୦ଟାରେ ମାଲବାହୀ ଟ୍ରେନ ପାଇଁ ସଂରକ୍ଷିତ ଟ୍ରାକ ନିକଟରେ ବିସ୍ଫୋରଣ ଘଟିଥିଲା। ବିସ୍ଫୋରଣ ସମ୍ପର୍କରେ ସୂଚନା ପାଇ ଡିଆଇଜି ଏବଂ ପଟିଆଲା ଏସଏସପି ବରୁଣ ଶର୍ମାଙ୍କ ସମେତ ବରିଷ୍ଠ ପୋଲିସ ଅଧିକାରୀମାନେ ଘଟଣାସ୍ଥଳରେ ପହଞ୍ଚିଥିଲେ। ସରକାରୀ ରେଳ ପୁଲିସ (ଜିଆରପି) ଏବଂ ରେଳ ସୁରକ୍ଷା ବଳ (ଆରପିଏଫ)ର ଦଳ ମଧ୍ୟ ତଦନ୍ତ ପାଇଁ ଘଟଣାସ୍ଥଳରେ ଉପସ୍ଥିତ ଅଛନ୍ତି। ପଟିଆଲା ଏସଏସପି ବରୁଣ ଶର୍ମା କହିଛନ୍ତି ଯେ ବିସ୍ଫୋରଣ ଟ୍ରାକକୁ କିଛି କ୍ଷତି ପହଞ୍ଚାଇଛି।
