Garvita Odia
ଭୁବନେଶ୍ବର : ଓଡ଼ିଶାରେ ରେଳ ଭିତ୍ତିଭୂମିକୁ ସୁଦୃଢ କରିବାକୁ ରେଳ ମନ୍ତ୍ରଣାଳୟ ପକ୍ଷରୁ ଆଉ ଏକ ବଡ଼ ପ୍ରୋତ୍ସାହନ ମିଳିଛି। ପୂର୍ବତଟ ରେଳପଥର ସୂଚନାନୁଯାୟୀ, ରାଣୀତାଲ ଲିଙ୍କ୍ କ୍ୟାବିନ ଏବଂ ଭଦ୍ରକ ମଧ୍ୟରେ ଚତୁର୍ଥ ରେଳ ଲାଇନ ନିର୍ମାଣ କରାଯିବ। ଏଥିପାଇଁ ୧୪୯.୩୨କୋଟି ଟଙ୍କା ବ୍ୟୟବରାଦ ହୋଇଛି। ଏହି ରେଳ ଲାଇନ ନିର୍ମାଣ ଦ୍ବାରା ବ୍ୟସ୍ତବହୁଳ ହାୱଡ଼ା-ଚେନ୍ନଇ ମାର୍ଗରେ ଭିଡ଼ କମିବ। ଦ୍ରୁତଗାମୀ ରେଳ ଚଳାଚଳ କରିବାରେ ନୂତନ ରେଳ ଲାଇନ ସହାୟକ ହେବ। ସେହିପରି ଧାମରା ଏବଂ ପାରାଦ୍ବୀପ ବନ୍ଦର ସହିତ ସଂଯୋଗୀକରଣରେ ବ୍ୟାପକ ଉନ୍ନତି ଆସିବ। ଯାତ୍ରୀଙ୍କ ରେଳ ଯାତ୍ରା ବିଳମ୍ବ ହ୍ରାସ କରିବା ନିମନ୍ତେ ଏହି ପ୍ରକଳ୍ପ ସହାୟକ ହୋଇପାରିବ। ରାଣୀତାଲ ଲିଙ୍କ୍ କ୍ୟାବିନ ଏବଂ ଭଦ୍ରକ ଷ୍ଟେସନ ୫.୬କି.ମି. ମଧ୍ୟରେ ଚତୁର୍ଥ ରେଳ ଲାଇନ ନିର୍ମାଣ କରାଯିବ। ଏହି ସେକ୍ସନରେ ପ୍ରବଳ ଭିଡ଼ ହେଉଛି, ଯାହା ପ୍ରାୟତଃ ରେଳଗୁଡ଼ିକ ଗତିରେ ବାଧା ସୃଷ୍ଟି କରୁଛି।
