Garvita Odia
ଭୁବନେଶ୍ୱର: କ୍ଷୀର ଦର ବୃଦ୍ଧି କଲା ଓଡ଼ିଶା ରାଜ୍ୟ ସମବାୟ ଦୁଗ୍ଧ ଉତ୍ପାଦକ ମହାସଂଘ ଲିଃ (OMFED)। ଆଜିଠାରୁ ରାଜ୍ୟରେ ଓମ୍ଫେଡ୍ କ୍ଷୀରର ନୂଆ ଦର ଲାଗୁ ହୋଇଛି।ଓମ୍ଫେଡ୍ର ଟୋନ୍ଡ ଦୁଗ୍ଧ ଲିଟର ପ୍ରତି ୪ ଟଙ୍କା ବୃଦ୍ଧି ପାଇଛି। ପୂର୍ବରୁ ଏହା ୫୦ ଟଙ୍କାରେ ମିଳୁଥିବା ବେଳେ ଏବେ ତାହା ୫୪ ଟଙ୍କାକୁ ବୃଦ୍ଧି ପାଇଛି।
ପ୍ରିମିୟର ଦୁଗ୍ଧ ଲିଟର ୫୪ ଟଙ୍କା ଥିବା ବେଳେ ଏଥିରେ ୪ ଟଙ୍କା ବୃଦ୍ଧି କରାଯାଇଛି। ଫଳରେ ଆଜିଠାରୁ ପ୍ରିମିୟର ଦୁଗ୍ଧ ଲିଟର ପିଛା ୫୮ ଟଙ୍କା ହୋଇଛି। ଓମ୍ଫେଡ୍ର ଗୋଲ୍ଡ ପ୍ରିମିୟର ପ୍ଲସ୍ ଦୁଗ୍ଧ ଦର ମଧ୍ୟ ବୃଦ୍ଧି ପାଇଛି। ଏହି ବର୍ଗର ଦୁଗ୍ଧର ଦର ଲିଟର ପ୍ରତି ୪ ଟଙ୍କା ବୃଦ୍ଧି ପାଇଛି। ଫଳରେ ୬୦ ଟଙ୍କାରେ ମିଳୁଥିବା ଗୋଲ୍ଡ ପ୍ରିମିୟର ପ୍ଲସ୍ ଦୁଗ୍ଧ ପାଇଁ ଏଣିକି ଗ୍ରାହକଙ୍କୁ ଲିଟର ପିଛା ୬୪ ଟଙ୍କା ଦେବାକୁ ପଡ଼ିବ। ଗୋଲ୍ଡ ପ୍ରିମିୟର ଦୁଗ୍ଧ ଲିଟର ପ୍ରତି ୪ ଟଙ୍କା ବୃଦ୍ଧି କରାଯାଇଛି। ଫଳରେ ଏହା ୫୬ ଟଙ୍କାରୁ ବୃଦ୍ଧି ପାଇ ୬୦ ଟଙ୍କାରେ ପହଞ୍ଚିଛି। ଅର୍ଥାତ୍ ଏହି ସବୁ କିସମର ଓମ୍ଫେଡ୍ କ୍ଷୀରର ୫୦୦ ମିଲିଲିଟର ପ୍ୟାକେଟ୍ ପିଛା ଦର ୨ ଟଙ୍କା ଲେଖାଏ ବଢ଼ିଛି।
