ଟ୍ରମ୍ପଙ୍କ ଝିଅ ଇଭାଙ୍କାଙ୍କୁ ହତ୍ୟା ଉଦ୍ୟମ

ନୂଆଦିଲ୍ଲୀ: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଝିଅକୁ ହତ୍ୟା ଉଦ୍ୟମ କରାଯାଇଛି । ଇରାର ଆଇଆରଜିସି ପ୍ଲାନ୍ କରିଥିବା ଜଣାପଡିଛି । ଡୋନାଲ୍ଡ ଟ୍ରମ୍ପଙ୍କ ଝିଅ ଇଭାଙ୍କା ଟ୍ରମ୍ପଙ୍କୁ ହତ୍ୟା କରିବା ପାଇଁ ଏକ ଷଡ଼ଯନ୍ତ୍ର ସମ୍ପର୍କରେ ବଡ଼ ଖୁଲାସା ହୋଇଛି । ଅଭିଯୁକ୍ତକୁ ତୁର୍କୀରେ ଗିରଫ କରାଯାଇ ଆମେରିକାକୁ ପ୍ରତ୍ୟର୍ପଣ କରାଯାଇଛି । ସନ୍ଦିଗ୍ଧ ବ୍ୟକ୍ତିଙ୍କୁ ୩୨ ବର୍ଷୀୟ ମହମ୍ମଦ ବାକର ସାଦ ଦାଉଦ ଅଲ-ସାଦି ଭାବରେ ଚିହ୍ନଟ କରାଯାଇଛି ।

ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଝିଅ ଇଭାଙ୍କା ଟ୍ରମ୍ପଙ୍କୁ ହତ୍ୟା କରିବାକୁ ଚେଷ୍ଟା କରାଯାଇଛି । ଏକ ଭୟଙ୍କର ଷଡ଼ଯନ୍ତ୍ରର ପର୍ଦ୍ଦାଫାସ୍ ହୋଇଛି । ଇରାନର ଇସଲାମିକ୍ ରିଭୋଲ୍ୟୁସନାରୀ ଗାର୍ଡସ୍ କର୍ପସ୍ (IRGC)ର ଜଣେ ତାଲିମପ୍ରାପ୍ତ କମାଣ୍ଡର ଇଭାଙ୍କାକୁ ଟାର୍ଗେଟ କରିଥିଲେ । ନ୍ୟୁୟର୍କ ପୋଷ୍ଟରେ ପ୍ରକାଶିତ ଏକ ରିପୋର୍ଟ ଅନୁଯାୟୀ, “IRGC ଆତଙ୍କବାଦୀ ମହମ୍ମଦ ବାକର ସାଦ ଦାଉଦ ଅଲ-ସାଦି ଇଭାଙ୍କାକୁ ହତ୍ୟା କରିବାକୁ ପ୍ରତିଜ୍ଞା କରିଥିଲେ ଏବଂ ଇଭାଙ୍କାଙ୍କ ଫ୍ଲୋରିଡା ବାସଭବନର ଏକ ବ୍ଲୁପ୍ରିଣ୍ଟ ମଧ୍ୟ ତାଙ୍କ ପାଖରେ ଥିଲା ।”ନ୍ୟୁୟର୍କ ପୋଷ୍ଟ ରିପୋର୍ଟ କରିଛି ଯେ, ଇରାନର ଇସଲାମିକ୍ ରିଭୋଲ୍ୟୁସନାରୀ ଗାର୍ଡ କର୍ପସ (IRGC)କୁ ସମର୍ଥନ କରୁଥିବା ଜଣେ ଆତଙ୍କବାଦୀ ଇଭାଙ୍କାକୁ ଟାର୍ଗେଟ କରିବାକୁ ଯୋଜନା କରିଥିଲା ।
​​​​​​​ରିପୋର୍ଟରେ କୁହାଯାଇଛି ଯେ, ଏଫବିଆଇ ୩୨ ବର୍ଷୀୟ ଇରାକୀ ନାଗରିକ ମହମ୍ମଦ ବାକର ସାଦ ଦାଉଦ ଅଲ-ସାଦିଙ୍କୁ ଗିରଫ କରିଛି, ଯିଏ ଇଭାଙ୍କାକୁ ହତ୍ୟା କରିବାକୁ ପଣ କରିଥିଲେ । ସନ୍ଦିଗ୍ଧ ବ୍ୟକ୍ତିଙ୍କ ପାଖରୁ ଇଭାଙ୍କା କୁଶନର ଏବଂ ତାଙ୍କ ସ୍ୱାମୀ ଜାରେଡ୍ କୁଶନରଙ୍କ ଫ୍ଲୋରିଡା ଘରର ଏକ ବ୍ଲୁପ୍ରିଣ୍ଟ ମଧ୍ୟ ମିଳିଛି । ସେ ଫ୍ଲୋରିଡା ଅଞ୍ଚଳର ଏକ ମାନଚିତ୍ର ପୋଷ୍ଟ କରିଥିଲେ, ଯେଉଁଠାରେ ଇଭାଙ୍କା ଏବଂ ଜାରେଡ୍ ପ୍ରାୟ ୨୪ ନିୟୁତ ଡଲାର ମୂଲ୍ୟର ଏକ ଘର ଥିଲା । ସେ ସୋସିଆଲ ମିଡିଆରେ ଧମକ ଦେଇ ଲେଖିଛନ୍ତି, “ଆମେରିକୀୟମାନେ ବୁଝିବା ଉଚିତ ଯେ କେବଳ ବର୍ଦ୍ଧିତ ସୁରକ୍ଷା ଏବଂ ଗୁପ୍ତ ସେବା ସମର୍ଥନ ସେମାନଙ୍କୁ ସୁରକ୍ଷିତ ରଖିବ ନାହିଁ। ଆମେ ସେମାନଙ୍କ ଉପରେ ନଜର ରଖିଛୁ, ଏବଂ ସମୟ ଆସିଲେ ଆମେ ପ୍ରତିଶୋଧ ନେବୁ।”